"Айнтрахт" "Нюкасл"нинг Экитике бўйича берган катта суммали таклифини рад этди

"Айнтрахт" "Нюкасл"нинг Юго Экитике бўйича таклифини рад этди. Немис клуби 23 ёшли ҳужумчини 80 миллион еврога сотишни истамади, деб хабар бермоқда Sky Sport журналисти Флориан Плеттенберг. Бу қарор асосан тўлов шартлари билан боғлиқ.

Бундан ташқари, "Айнтрахт"нинг спорт директори Маркус Креше ўйинчи учун янада каттароқ сумма олишни хоҳламоқда. Айрим клублар аллақачон Экитике учун кўпроқ пул тўлашга тайёр эканликларини маълум қилишган.

Бундеслиганинг ўтган мавсумида франциялик футболчи 33 та ўйинда иштирок этиб, 15 та гол урди ва 8 та голли узатма берди.