Ўзбекистон кубоги. 1/8 финал босқичига 5 июнь куни қуръа ташланади
29 май 2023 16:56
Янгиликлар

Ўзбекистон кубоги. 1/8 финал босқичига 5 июнь куни қуръа ташланади

4 июнь куни Ўзбекистон кубогининг гуруҳ босқичи ўз якунига этади. Гуруҳларда дастлабки икки ўринни эгаллаган жамоалар 1/8 финалга йўлланма олади.

“Спорт” телеканали билан келишув асосида 1/8 финал учун жонли эфирда қуръа ташланади. Жараён 5 июнь куни 19:30 дан бошлаб тўғридан-тўғри кўрсатилади.

Маълумот учун, Ўзбекистон кубогида гуруҳ ғолиблари етакчилар саватидан жой олади ва улар 1/8 финал беллашувини ўз майдонида қабул қилиш ҳуқуқини қўлга киритади. Қуръа гуруҳ босқичида ўзаро кураш олиб борган икки жамоани қайта учраштириши мумкин.

Ҳавола :

Манба : pfl.uz

Янгиликларни Телеграмда ўқинг!

Рейтинг: +4