Ўртоқлик учрашуви. "Динамо" - "Шўртан" 4:3
06 сен 2015 14:47
Янгиликлар

Ўртоқлик учрашуви. "Динамо" - "Шўртан" 4:3

Миллий терма жамоа ўйинлари боис юзага келган танаффусдан фойдаланиб, «Динамо» жамоаси 5 сентябрь куни Самарқандда «Шўртан»га қарши ўртоқлик учрашувини ўтказди.

Хабарингиз бор, «Динамо» 21 август куни 19-тур доирасида Мухтор Қурбонов бошчилигидаги «Шўртан» клубига қарши тўп сурган ва ўшанда жанговар 3:3 натижаси қайд этилганди. Энди эса «Динамо»ни 21-турда Наманганнинг «Навбаҳор» клубига қарши муҳим ўйин кутиб турибди. Ушбу баҳсга қизғин ҳозирлик кўраётган Баҳром Ҳакимов шогирдлари шанба куни Ғузор жамоасига қарши ўртоқлик учрашуви ўтказишди.

Қайд этиш жоизки, бу сафарги баҳс ҳам ўртоқлик мақомида бўлсада жуда шиддатли ва голларга бой ўтди. «Динамо» стадионида кечган баҳс бу сафар ҳам жанговар 3:3 натижаси билан якунланиши мумкин эди. Аммо сўнгги дақиқада ёш яримҳимоячи Жасур Азимов «Динамо»га ғалаба келтирувчи гол муаллифи бўлди, 4:3.

Ўртоқлик учрашуви.

Самарқанд, «Динамо» стадиони.

5 сентябрь (шанба)

«ДИНАМО» - «ШЎРТАН» - 4:3 (1:0)

Голлар: Камолиддин Мурзоев 15, Сергей Рекун 74, 81, Жасур Азимов 89 – Элдор Бойматов, Зафар Полвонов, Мирзакамол Камолов.

«Динамо»: Муҳиддин Худоёров, Артём Филипосян, Акмал Холмуродов, Бунёд Исроилов, Фирдавс Абдусалимов, Илҳом Юнусов, Дилшод Шарофутдинов, Отабек Зокиров, Феруз Бобоқулов, Фаррух Шотурсунов, Камолиддин Мурзоев.

Иккинчи бўлимда майдонга тушганлар: Андрей Мельничук, Ислом Шарипов, Ҳамдам Раҳмонов, Сергей Рекун, Акмал Бозоров, Комил Шарофутдинов, Темур Шарипов, Жасур Азимов.