АПЛ. "Арсенал" ва "Челси" рақибларига 3 тадан гол урди, "Астон Вилла" эса яна очко йўқотди

Ушбу ўйинлардан сўнг “Арсенал” 56 очко билан турнир пешқадами бўлиб турибди. Ундан кейин келаётган ва ушбу турдаги ўйинини энди ўтказадиган “Ман Сити” 47 очкога эга. Ундан кейинги ўринларни “Астон Вилла” (47 очко), “Манчестер Юнайтед” (44) ва “Челси” (43) банд этиб турибди.

Коул Палмер биринчи таймнинг ўзидаёқ хет-трик қайд этди. Англиялик ярим ҳимоячи 13 ва 35-дақиқаларда пенальтини аниқ ижро этди, 38-дақиқада эса ўйиндан тўп киритди. “Вулверхэмптон” бунга фақатни Толу Арокодаренинг 54-дақиқасидаги голи билан жавоб қайтарди.

“Тўпчилар” ушбу ўйинда йирик ғалабага эришишди. Мезбонларнинг голларига Мартин Зубименди ва Виктор Гёкереш (дубль) муаллифлик қилди.

Меҳмонлар 22-дақиқада Морган Рожерснинг голи эвазига ҳисобни очишди. Мезбонлар бунга Райаннинг 55-дақиқадаги аниқ зарбаси билан жавоб қайтаришди. Шу билан дарвозаларга бошқа тўп киритилмади ва “Астон Вилла” яна очко йўқотди.