UZ

Сўнгги янгиликлар

00:50U-20 Осиё кубоги саралаши. Ўзбекистон аёллар терма жамоаси Баҳрайнни ўта йирик ҳисобда таслим қилди  0 00:42Отабек Нарзуллаев: "Бугун айниқса ҳимояда кўп хато қилдик"  2 00:25Вадим Абрамов : "Ғалабадан хурсандман, лекин бундай ўйнаш керак эмас"  1 23:31"Милан" "Брюгге"дан салкам 40 млнлик трансферни амалга оширди  0 23:25Сергей Лушчан: "Тенг кучли жамоалар кураши гувоҳи бўлдик"  2 23:15Расман: Томас Мюллер Канада клуби сафига бориб қўшилди  0 22:50Иван Бошкович: "Асосийси жамоамизда ўйин бор"  1 22:25"Бавария" Emirates билан 7 йиллик шартнома имзолади  0 22:00Суперлига. Дарвозаларга 6 та гол урилган оқшомда "Динамо" камбэк эвазига "Машъал"дан устун келди   29 21:30"Челси" ўз ярим ҳимоячисини таҳминан 30 млн фунтга сотди  0 21:10Суперлига. "Навбаҳор" ўз уйида "Сўғдиёна" билан дуранг ўйнади  41 20:49Нуньес "Ал Ҳилол" билан 2028 йилгача шартнома имзолайди. Трансфер суммаси ҳам маълум  3 20:25"Ўзимизнинг "тобуткаш" Кападзега имконият бериш керак" - Миржалол Қосимов МТЖга хорижлик мураббий олиб келиниши ҳақида  33 19:38ПСЖ Сафоновга у асосий дарвозабон бўлмаслигини маълум қилди  3 18:51Исак "Ньюкасл" машғулотларидан четлатилди. Нега?  3

Оналарни тинч қўй, "ЮЗЕР"! Янгиликлар

Оналарни тинч қўй, "ЮЗЕР"!

Бугун муборак кун, муборак ой остонасидамиз. Мен Рамазон ойини икки карра яхши кўраман, сабаби айнан шу ойда ҳеч бўлмаса тилини тияди айрим "юзерлар". Шу ойни ҳурмат қилмайдиганлари ҳам бор...

Футбол... Нима у? Битта тўп ортидан яралган спортнинг оддийгина бир тури. Хобби, касб... Ундан уёғига тортмайдиган, шунчаки вақт ўтказиш учун томоша қилиб, асабни бузишга арзимайдиган спортнинг бир тури холос аслида! Бу гапим футболчи ва мураббийларга тегишли эмас. Улар учун бу касб ва унинг машаққатини жуда яхши биламан, ўзим клуб очиб уни ҳис ҳам қилдим. Осон эмас футболчи бўлиб етишиш. Шу футболчи бўлганларга раҳмат айтаман керак бўлса. Лекин нима учун Сиз ажнабий бўлган "Барса" ва "Реал" учун қон тўкишга тайёр бўлиб, ибодатда бўлган ўзганинг онасини ҚЎЛИНГДАН келмайдиган ишни қиламан деб "коммент" қолдирасан? Қила оласанми ўша ишни? Бировни онаси бир бало қилишдан олдин, сени 9 ой қорнида сақлаб юриб қийналиб дунёга келтирган онангни кўз олдинга келтир! Сен бировни онасини қилмоқчи бўлган ишингни, ўз онангни деб жавоб бераётган жавобни олиш ёқаяптими? Аллақачон жони узилиб, қабрда ётган оналарни сўкаётганингни биласанми? Ёки аниқ гапинга жавоб бера оласанми? Қизишиб кетдим-ми? Сенсираб ёзаяпманми? Лекин мен бировни бувиси-ю, онасини ҳақорат қилмаяпман. Оналарингизни тинч қўйинглар барка топкурлар! Она бу, она, тўпга алмашманг оналарни.

"Пахтакор" иштирок этган ўйинда мухлисларнинг жиққа мушт олишиши. Водий жамоалари ўртасида бўлиб ўтаётган учрашувлардаги баъзи куракда турмайдиган гаплар. Эй, инсонмиз-ку, одамлар... "Пахтакор" ҳам, бошқаси ҳам, ҳеч кимни ҳақорат қилишга сабаб бўла олмайди. Ўйин бу. Стадиондаги сўкинишларчи, совет пайтидан қолиб кетган сарқитдан ўзга нарса эмас! Биргина тўпни деб гуноҳларни кўпайтираётганимизни билаяпмизми?  

Аввал ҳам ёзгандим, бугун қайтараман... "Барсачини" тобутини келиб Месси кўтармаганидек, Роналду биронта ўзбекнинг жанозасига келиб дуо қилиб кетмайди, билиб қўйинг! Жонингизни берасиз уларга, ўз ватандошингизни дилини оғритган ҳолда. Футболни кўришни ўрганишимиз керак, маданиятни ўрганайлик. Юртимизда катта ўзгаришлар, қуръон ўртасида чемпионатлар бўлаётган бир пайтда, оналаримизни қўлимиздан келмайдиган иш билан ҳақорат қиламиз. Ўша ишни қилиб ҳам кўргин-чи, бир ерингни узиб осиб қўйишар!

Коллежда ўқиётган "шумтакалар", ҳали Сизларга хоп қовун пишиғи бор катталарга ғўддайишга! Аввал бир икки сўм ишлаб уйингизга тўртта нон олиб киришни ўрганинг, меҳнат қилинг, билим олинг, кейин вақтингиз бўлганида бировни келиб дилини оғритиб кетинг. Ҳали қўлидан бир иш келмай туриб, отасини пулига олган интернет трафигига катта кетишига ўласан киши... Имконият яратилди, ўқиб билим ол. Ватанга фойданг тегсин. Нима кераги бор, илм олишга кетиши керак бўлган вақтни "фанатлик"ка кетказиб? Майли, мухлислик қил, гап йўқ! Лекин ҳеч кимни, ҳеч қачон ҳаққи йўқ оналаримизни ҳақорат қилишга!

Омон бўлинг, хулосани ўзингиз чиқаринг! Оналарингиз ҳаққи-ҳурмати, дил оғритманг!

Муаллиф : Nadirkhuja Yuldashev
Рейтинг: +315   

Фикрлар

championat.asia
< сўнгги янгиликларни кўриш
Яндекс.Метрика