Омар Хрбин: "Бу соврин бутун Сурияники"
30 ноя 2017 11:31
Янгиликлар

Омар Хрбин: "Бу соврин бутун Сурияники"

Кеча бўлиб ўтган ОФК йилнинг энг яхшиларини тақдирлаш маросимида "Ал Ҳилол" клуби ҳужумчиси Омар Хрбин 2017 йил якунларига кўра "Осиёнинг энг яхши футболчиси" деб топилди.

Футболчи ҳам клуб, ҳам терма жамоа миқёсида ўзини кўрсата олди. У клуби билан Осиё чемпионалр лигасига қадар етиб борган бўлса, Сурия терма жамоаси сафида ЖЧ-2018 саралаш ўйинларида плей-офф баҳсларида майдонга тушди.

ОФК Президентидан нуфузли совринни қабул қилиб олган Хрбин ўз таассуротлари билан ўртоқлашди:

- "Асосий мақсадим кейинги йил "Ал Ҳилол" билан Осиё чемпионлар лигасида зафар қучишдир. Менинг ишим футбол ўйнаш ва бу ишни доим сидқидилдан бажараман. Терма жамоа миқёсида эса Осиё Кубоги-2019да ўзимни кўрсатишни хоҳлайман. Қўлимда ушлаб турган соврин фақат меники эмас, бу бутун Сурия халқиники. Қачонки халқимизнинг кўзида қувонч кўрсам, бундан мен ҳам беҳад хурсанд бўламан. Ўз ўйиним ва голларим билан суриялик мухлисларга хурсандчилик улашсам дейман. Бизнинг халқимиз яхши яшашга ва бахтиёр бўлишга ҳақли".

Ҳавола :

Манба : the-afc.com

Янгиликларни Телеграмда ўқинг!

Рейтинг: +53