Olamsport.com: Хилько бешинчи бор Олимпиадада иштирок этади
20 апр 2016 16:51
Янгиликлар

Olamsport.com: Хилько бешинчи бор Олимпиадада иштирок этади

Теглар : Olamsport.com

Бразилиянинг Рио-де-Жанейро шаҳрида трамполин бўйича ўтказилган лицензион мусобақада ҳамюртимиз Екатерина Хилько саралаш босқичидан муваффақиятли ўтиб, кучли саккизликдан жой олиш билан бирга XXXI ёзги Олимпия ўйинларига ҳам йўлланма олди.

Эътиборлиси, Рио-2016 ўйинлари Екатерина Хильконинг фаолиятидаги бешинчи Олимпиада бўлади. Тажрибали спортчимиз Олимпия ўйинларидаги илк дебютини 2000 йили Сидней (Австралия)да бўлиб ўтган Олимпия ўйинларида ўтказган эди. Шундан буён Екатерина кетма-кет Олимпия ўйинларида қатнашиш бахтига муяссар бўлиб келмоқда.

Шу ўринда таъкидлаш жоизки, дунё трамполинчилари орасида шу кунга қадар тўрт нафар спортчи тўрт маротабадан Олимпиадада қатнашиш ҳуқуқини қўлга киритган эди. Демак, Екатерина Хилько бу борада жаҳонда якка пешқадамга айланди.

Маълумот учун, Екатерина Хилько 2008 йили Пекин (Хитой)да ўтказилган Олимпия ўйинларида бронза медалига сазовор бўлган.

Спортга оид бошқа хабарларни olamsport.com сайтида ўқинг!

Ҳавола :

Манба : olamsport.com

Янгиликларни Телеграмда ўқинг!

Рейтинг: +2