ОФК Туркманистон, Қирғизистон ва тожикистонлик футболчиларга қаттиқ жазо тайинлади. Навбат Ўзбекистонга ҳам етиб келиши мумкин

“Осиё футбол конфедерацияси бугун 5 нафар футболчига нисбатан ўз қонуний органларининг қарорларини эълон қилди. Уларнинг барчаси Ўрта Осиё вакилларидир. Туркманистон терма жамоаси аъзоси Сулаймон Муҳадов допинг қабул қилгани учун 4 йилга футболдан четлатилди. У ўз намуналарини Осиё Кубоги-2019 вақтида топширганди", деб ёзади Никимбаев.

Бундан ташқари, Қирғистон клубларида фаолият олиб борган Курсанбек Шератов («Дордой»), Владимир Веревкин, Ильяз Алимов, тожикистонлик Абдулазиз Махкамовнинг (барчаси «Олой») 2017 ҳамда 2018 йилларда ОФК Кубогида келишилган ўйинларда қатнашгани учун футболга алоқадор барча соҳалардан бир умрга четлатилгани маълум қилинган. Шунингдек, Шератов ОФК Кубоги-2017 мусобақаси вақтида тотализаторда ҳам иштирок этгани аниқланди.

“Хабарнинг иккинчи қисми Ўзбекистонда келишилган ўйинларни ташкил қилувчиларга огоҳлантириш бўлиши зарур. Олдин маълум қилганимдек, ОФК келишилган ўйинларга қарши курашда Спортрадар компанияси билан ҳамкорликни йўлга қўйган. Аввалроқ, Ўзбекистон футбол ассоциацияси ҳам ушбу компания билан алоқа ўрнатганди. Шундай қилиб, биз тўғри ёндашув билан шу каби ишларнинг очилишига гувоҳ бўлишимиз мумкин", дея қайд этган Никимбаев.