ОФК сайти ОЧЛнинг "Энг яхши мураббийи"ни аниқлаяпти. Номзодлар орасида "Пахтакор" устози ҳам бор
11 ноя 2020 13:14
Янгиликлар

ОФК сайти ОЧЛнинг "Энг яхши мураббийи"ни аниқлаяпти. Номзодлар орасида "Пахтакор" устози ҳам бор

ОФК сайти Осиё чемпионлар лигаси Ғарб минтақаси жамоалари иштирокидан келиб чиқиб мураббийларга тўхталди.

Хусусан сайт ходимлари "Энг яхши мураббий"ни аниқлаш бўйича сўров ташкил этишди. Бунда тўрт нафар мураббий номи келтирилган. Булар - Руи Виториа ("Ал Насср", Саудия Арабистони), Владан Милойевич ("Ал Аҳли", Саудия Арабистони), Яҳё Гулмуҳаммади ("Персеполис", Эрон) ҳамда Шота Арвеладзе ("Пахтакор", Ўзбекистон).

ОФК сайти Шота Арвеладзе борасида шундай ёзган: Орадан ўн йил ўтиб "Пахтакор" грузиялик мураббий Шота Арвеладзе қўл остида гуруҳдан чиқишни уддалади. "Пахтакор" бу йилги мусобақанинг гуруҳ босқичини самарали ўтказди. Жамоа 1/8 финалда Эроннинг "Истиқлол" клубини мағлуб этди, аммо чорак финалда "Песеполис" тўсиғидан ўта олмади. Шунга қарамай Арвеладзе шогирдлари ОЧЛда илиқ таасурот қолдиришди.

Эслатиб ўтамиз, сўровнома 14 ноябрь куни тугайди. Ҳозирча энг кўп овоз тўплаш бўйича эронлик Яҳё Гулмуҳаммади пешқадамлик қиляпти. Агар биз ҳам овоз беришда фаол бўлсак, Арвеладзе ҳеч бўлмаса иккинчи бўлиши мумкин.