Одил Аҳмедов: "Навбатдаги босқичда бизни жуда кучли рақиблар кутиб турибди"

Ўйин қийин бўлишини олдиндан билардик. Чунки, Баҳрайн бизнинг принципиал рақибларимиздан ҳисобланади. Бизга натижа жуда зарур эди. Шу сабабли, қўлдан келганича ҳаракат қилиб ўзимизга керакли натижага эришдик", - деб сўз бошлади ярим ҳимоячи. 

Кейинги босқич йўлланмасини қўлга киритганимиздан хурсандмиз. Терма жамоа сафида ҳеч қачон осон ўйинлар бўлмайди. Навбатдаги босқичда ҳам бизни жуда кучли рақиблар кутиб турибди. Олдимизга қўйилган мақсад - ЖЧ йўлланмасини қўлга киритиш бўлгани учун исталган рақибга қарши фақат ғалаба учун майдонга чиқамиз.

Рақиб ҳимояда яхши ўйин кўрсатди. Асосан қарши ҳужум орқали ўйнашга ҳаракат қилишди. Шу сабабли, бизга бироз қийин бўлди.

Филиппинга қараганда Баҳрайн кучлироқ жамоа. Шу сабабли, бугунги ўйин қийинроқ бўлди.

Ушбу босқич ҳақида? ЖЧ саралашининг ушбу босқичида дастлабки ўйинида мағлуб бўлганимиз учун ҳар бир ўйинда ғалаба қозонишимиз зарур эди. Сўнгги тургача ҳам кейинги босқич масаласи ҳал қилинмаганди. Шу сабабли, жуда қизиқарли ўйинлар бўлди.

Баҳрайн терма жамоаси доимо Ўзбекистон учун ноқулай рақиб бўлиб келган", - дея ўз фикрларини якунлади Одил Аҳмедов.