Нўъмон Ҳасанов: “Кейинги учрашувларда мухлисларимизни хурсанд қиламиз”
19 авг 2017 22:01
Янгиликлар

Нўъмон Ҳасанов: “Кейинги учрашувларда мухлисларимизни хурсанд қиламиз”

Теглар : Қўқон-1912 Нўъмон Ҳасанов

“Қизилқум” – “Қўқон-1912” жамоалари ўртасидаги ўйиндан кейинги матбуот анжуманининг биринчи қисмида “Қўқон-1912” клуби бош мураббийи Нўъмон Ҳасанов иштирок этди.

- Бугун мухлислар очиқ футбол гувоҳига айланишди. 3:1 ўйин тақдирини ҳал қилди. Иккинчи бўлимда вазиятни ўзгартиришга ҳаракат қилдик.

Ўйинни яхши бошладик. Лекин “Қизилқум”нинг тажрибали ўйинчилари вазиятдан чиқиб кетишни уддалашди. Биринчи бўлимда учта тўп ўтказиб юбордик. Кейин ҳужумлар ташкил этдик. Улардан фойдалана олмадик. Дарвозабонни нега алмаштирдим? Чунки голларда унинг айби бўлди, айниқса учинчи голда. Бундай масофадан гол ўтказиш тўғри келмайди.

Иккинчи даврада иккита мағлубиятга учраган бўлсак-да, ҳали ҳаммаси олдинда кейинги учрашувларда мухлисларимизни хурсанд қиламиз.

Райевац охирги ўйинларда ўзига билдириган ишончларни оқлай олмаяпти. Бугун ҳам у кутилган ўйинни намойиш эта олмади.