Неймар: "Пул туфайли ПСЖга ўтганим йўқ"

"Янги чақирувдан хурсандман. Париж - ажойиб шаҳар. Ҳозир ҳис қилаётганимни тасвирлаб бериш қийин. Янги чақирувга муҳтож эдим ва шу нарса мени бу ерга олиб келди. Бу ўзимни "Барселона"да юлдуздек ҳис қилмаганимга боғлиқ эмас. Ўзимни яхши ҳис қилганман.

Юрагим ПСЖ билан шартнома тузишни айтди ва буни бажардим. Бу энг қийин қарорларимдан бири. "Барселона"дек йирик клубда ўйнар эдим. У ерда кўп дўстларим қолди, аммо бу футбол. Ҳаммага раҳмат айтмоқчиман. Шунчаки кетадиган вақт келганини ҳис қилдим.

ПСЖда ўзимни уйдагидек ҳис қиляпман. Бу ерда мени келишимдан хурсанд бўладиган дўстларим бор. Аммо бу қароримга таъсир кўрсатгани йўқ.

Агар эртага ўйнаш имконият бўлса, нима қиламан? Тайёрман. "Барселона" мухлисларига нима демоқчиман? Қўллаб-қувватлашингиз учун раҳмат.

Пул туфайли ПСЖга ўтганим йўқ" - дейди Неймар.