«Нефтчи»: Эртага жамоа Қиргулида йиғилади
03 янв 2016 15:49
Янгиликлар
«Нефтчи»: Эртага жамоа Қиргулида йиғилади
Эртага “Нефтчи” янги мавсумга тайёргарликни давом эттириш учун Қиргулидаги базада йиғилади. Бу йиғинда Ўзбекистон ОТЖ билан хорижга йўл олган Сардор Раҳмонов, Абдумавлон Абдужалилов ва Достон Турсуновлар иштирок этишмайди. Улар Осиё чемпионатидан сўнг таркибга қўшилишади. Шунингдек, Мухсин Убайдуллаевнинг ҳам Фарғонага қайтиши кутилмоқда. Жамоа раҳбарияти ўтган мавсумда “Нефтчи” таркибида ҳаракат қилган аксарият футболчиларни таркибда сақлаб қолишни режа қилган. Шунингдек, айни пайтда шартномаси ниҳоясига етган футболчилар билан янги келишувлар борасида музокаралар кетмоқда.
“Нефтчи” ўтган мавсумни чемпионатимизнинг энг кучли 4 та жамоасидан кейинги ўринда якунлади. Жамоа футболчилари бу йилги чемпионатда ҳам муваффақиятли иштирок этиб, хар бир ўйинда зафар қучган ҳолда фарғоналик мухлисларни хушнуд этиш ниятида. Албатта, бу борада мухлисларнинг қўллаб-қувватлаши, далдаси беқиёсдир.
Эртага Қиргулида йиғин бошланади. Жамоа бош мураббийи Андрей Фёдоров айни пайтда Москвада. Мураббий эртага тонг саҳар Москва – Фарғона йўналиши бўйича Фарғона шаҳрига етиб келади ва янги йилдаги илк йиғинда футболчиларга ўзи бошчилик қилади. “Нефтчи” таркибдаги ўзгаришлар, жамоани тарк этганлар хусусида кейинроқ хабар берамиз.
“Нефтчи” ПФК матбуот хизмати.
Ўхшаш янгиликлар
championat.asia
ЕЧЛ. "Бенфика" дарвозабони 98-дақиқада гол уриб, "Реал"га ҳам, ўз жамоасига ҳам плей-оффни "кафолатлади"
ЕЧЛ ўтиш учрашувларига қуръа ташланди: "Реал" яна Моуриньюнинг "Бенфика"си билан ўйнайди!
ЕЧЛ. Кейинги босқичга чиққан барча жамоалар номи маълум
Туркманистон терма жамоаси футболчиси "Арал"га ўтди
Фикрлар