"Насаф"дан кетган футболчи АГМКга ўтди
11 июн 2018 12:27
Янгиликлар

"Насаф"дан кетган футболчи АГМКга ўтди

Суперлигада жорий мавсумни "Насаф"да бошлаган Жасур Ҳасанов фаолиятини АГМК жамоасида давом эттиради.

Аввалроқ "Насаф"ни тарк этган футболчи жиззахликлар сафига бориб қўшилиши ҳақида хабарлар бергандик. Буни жамоа устози Сергей Лушан ҳам тасдиқлаганди. Аммо музокаралар якунида томонлар ўзаро келишувга эришишмаган.

Жасур Ҳасановни яқиндагина АГМКга бош мураббий бўлган Бахтиёр Ашурматов Олмалиққа чорлаган ва чап қанот вингери бу таклифни қабул қилган. Мавсумни қолган қисмида Жасур Ҳасанов АГМК шарафини ҳимоя қилади.

Эслатиб ўтамиз, Жасур Ҳасанов жорий мавсумда Суперлигада 4та голли узатмани амалга оширган ва ассистентлар рўйхатида 2-ўринда бормоқда.

Ҳавола :

Манба : championat.asia

Янгиликларни Телеграмда ўқинг!

Рейтинг: -44