"Насаф": Шамил Самигуловични табриклаймиз!

Шамил Самигуловичнинг клубимизга раҳбарлик йиллари салмоқли ишлар амалга оширилди ва оширилмоқда. Бунга мисол тариқасида клубимиз инфратузилмасини ривожи, ишчи-ходимларга яратилаётган шароитлар, клубимизнинг қўлга киритаётган ютуқларини ва бошқа кўплаб мисолларни келтириш мумкин.

Айниқса у киши раҳбарлигидаги ёшларга бўлган эътибор – клуб фаолиятининг устивор вазифасига айлантирилгани эътибор ва эътирофга лойиқ. Бундай саи-ҳаракатлар бугунги кунда ўз натижасини бера бошлади.

Меҳнатга чанқоқ, эришилган ютуқлар билан кифояланиб қолмайдиган раҳбаримиз, доимо изланишда ва интилишда.

Шамил ака бугун қутлуғ 60 ёшга тўлдилар! У кишини клубимизда меҳнат қилаётган барча-барча ходимлар номидан, мураббийлару-футболчилар номидан ҳамда “Насаф” клубининг кўпмингсонли мухлислари номидан самимий табриклаймиз! У кишига мустаҳкам сиҳат-саломатлик, узоқ умр ва бахт-саодат тилаймиз. Раҳбар сифатида олиб бораётган машаққатли фаолиятингизда асло чарчаманг, деймиз!

Яна бир марта туғилган кунингиз муборак бўлсин!