Аввалроқ Жезуш Миллатлар Лигаси доирасида Норвегияга қарши баҳсда (2:1) Роналдуни захирадан майдонга туширишни ваъда қилгани, бироқ якунда режалари ўзгариб қолганини айтганди. Дания билан кечган навбатдаги ўйиндан (4:2) олдин эса Роналду таркибга киритилмаслигини билиб, миллий жамоа ихтиёрини тарк этган.
"Қандай кибрли аҳмоқ-а. Жезуш Португалия термасида ўйнаш учун ҳеч қачон етарлича яхши бўлмаган, энди эса мамлакатнинг энг улуғ футболчиси — Криштиану Роналдуни камситишдан ҳузурланмоқда", – деб ёзди Морган ижтимоий тармоқларда.
Аввалроқ ОАВда ушбу можаро ортидан 41 ёшли Роналду Португалия миллий жамоасидаги фаолиятини якунлаши мумкинлиги хабар қилинган эди.
