Музаффар Олимжонов: "Насаф" билан ўйинда омадимиз келди. Лекин "Бунёдкор"нинг меҳнатини унутмаслик керак"

Мазкур учрашувдан сўнг "қалдирғочлар"нинг сафардан бир очко билан қайтишига муносиб ҳисса қўшган Музаффар Олимжоновнинг фикрлари билан қизиқдик. 

Насаф Ҳусайин Норчаев - 47'

Суперлига. 23-тур 25/10/2022, 18:30 1 : 1 Тугади

Бунёдкор Жасур Ҳакимов - 23'

45'

90'

47'  Ҳусайин Норчаев

47'  Матеус Лима

66'  Ҳусайин Норчаев (Баҳром Абдураҳимов)

66'  Шароф Муҳитдинов (Шерзод Насруллаев)

83'  Ойбек Бозоров (Зафармурод Абдураҳматов)

23'  Жасур Ҳакимов

59'  Павел Могилевец (Абдуллоҳ Омоналиев)

83'  Жасур Ҳакимов

84'  Давронжон Эргашев

87'  Францис Нарх (Суҳроб Иззатов)

90'  Музаффар Олимжонов

Матч-центрда очиш

— "Насаф"нинг нималарга қодирлигини ва кучини билар эдик. Шунга яраша тайёргарлик кўргандик. Ўйин давомида мураббийларимиз берган кўрсатмаларни 70-80 фоизини бажардик, деб ўйлайман. Кўпчилик 5та ҳимоячи билан ўйнаётганимизни танқид қилмоқда. Буни тўғри қабул қилиш керак. Иван Бошкович рақибдан келиб чиқиб тактик танлайди. Чунки ҳозир шундай вазиятдамиз. Ҳар бир ўйинда максимал очко оладиган пайт. 

— Ҳа, омад "Бунёдкор" томонида бўлди. Лекин жамоанинг меҳнатини ҳам унутмаслик лозим. Сўнгги дақиқаларда тўп дарвозамизга кириб кетаётганда бошқа иложим қолмаганди. Агарда қўлим билан қайтармаганимда гол бўларди ва 2:1 ҳисобида мезбонлар ғалаба қозонарди.Таваккал қилдим, холос. Пенальтида бироз бўлсада умид уйғонди. Жамоани голдан битта мен эмас, Суҳроб Султонов ҳам қутқарганини айтиш жоиз. Уларга раҳмат айтаман. Майдондан четлатилганимдан сўнг трибунада ўтира туриб Суҳроб Султоновни "Локомотив" ва "Навбаҳор" билан ўйинларда қайтарган пенальтилари эсимга тушди. Лекин Луис Суарез ва Уругвай - Гана учрашуви ҳаёлимга ҳам келмади. 

Абдулазиз Искандаров ёзиб олди