Музаффар Музаффаров: ”Футболда кимдир ғалаба қозонади, кимдир мағлубиятга учрайди”
02 окт 2016 13:30
Янгиликлар

Музаффар Музаффаров: ”Футболда кимдир ғалаба қозонади, кимдир мағлубиятга учрайди”

Олий лиганинг 24-тур доирасида Жиззахнинг “Сўғдиёна” жамоаси сафарда “Олмалиқ” меҳмони бўлди.

Ўйинда жиззахликларнинг қўли баланд келди ва 1:0 ҳисобида ғалаба қозонди. Ушбу беллашувдан сўнг “Сўғдиёна” ярим ҳимоячиси Музаффар Музаффаров ўз фикрлари билан ўртоқлашди.

- Ҳар бир жамоа майдонга ғалаба учун тушади. Ўтган турдаги ўйинимизда биз мағлубиятга учраган эдик. Кимдир ғалаба қозонади, кимдир мағлубиятга учрайди. Бу футбол. Футбол шу тарафлари билан қизиқ. Биз “Олмалиқ” жамоасига қарши жиддий тайёргарлик кўрдик. Бугунги учрашув жуда шиддатли бўлди ва кимда ғалабага бўлган иштиёқ кучлироқ бўлса, ўша жамоа ғалаба қозонишини билар эдик. Мураббийимиз бизни руҳлантира олди ва натижада сафарда бизга муҳим бўлган 3 очкони қўлга киритдик.

Ўтган турдаги мағлубиятга учрашимизга қарамай, ўз олқишларини аямаган мухлисларимизга чин юракдан раҳмат айтаман ва бу ғалаба айнан уларники. Туғри, бу кам бўлиши мумкин. Лекин биз уларни хурсанд қилиш учун ўйнаймиз. Бундан кейин ҳам мухлисларимизни хурсанд қиламиз, – дейди Музаффаров.

Дилдора Холбоева
“Сўғдиёна” матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +1