Мухлис фикри қандай?

Футбол тарихидаги энг қиммат футболчи ПСЖ таркибида дебют қилади. Бу ҳақида аввалроқ хабар берган эдик. Ваниҳоят, хужжатлар Франция пойтахтига етиб борди, "Барса" яна имкони бўлса ҳам бўладиган ишни қилиб қўя қолди ва бугун Неймарни илк бор ПСЖ учун майдонга тушганини кўрамиз!

"Реал" Бейлга, МЮ Погба учун миллионлар тўлаганда кўпчилик қиммат деганди. Энди эса... Энди эса бирданига 222 (!) миллион! Эплаганлар етиб кўрсинчи, деди чамамда ПСЖ ҳомийлари. 

ПСЖ Неймарни қўлга киритшини қанчалик хоҳлаганини яна бир бор тушунтириб ўтириш шарт эмас менимча. Футбол тарихида бир футболчи учун бундай пул тўланмаганди ахир!  

Футболчининг собиқ жамоадоши Пике ҳам Неймар 222 миллион турмайди деб фикр билдирди. Пулнику Носир Ал-Ҳелайфи топиб берди. Демак, унинг чўнтаги шундай трансферни кўтарар экан. Бу орада баъзилар бразилиялик пулга учди ва нотўғри қилди деган фикрда. Бироқ унга сарфланаётган пуллар олдида унча-мунча ўзини йўқотиб қўйиши ҳеч гап эмас.     

Хўш, Неймарнинг ўрнида сиз қандай қарор қабул қилган бўлардингиз?