Мурод Исмоилов: "Ғалаба қозонишимизни уч кун олдин сезгандим"

- Айтишларича, саккиз йилдан буён “Бунёдкор”ни чемпионат доирасида ютмаган эканмиз. Ушбу нохуш анъанага чек қўйганимиздан хурсандман. Ғалаба қозонишимизни уч кун олдин сезгандим. Шуни болларга айтгандим: ўз кучларимизга ишонсак албатта ғалабага эришамиз дедим. Рақибга етарлича қаршилик кўрсатиб, ғалабага эришдик, - деб гап бошлади Мурод Музаффарович.

- Иккинчи ҳужумчини майдонга туширишингиз тактик ўзгаришмиди?
- Йўқ, мажбурий ўзгариш қилдик. Ўша вазиятдан олдин Ойбек Қиличев сариқ карточка олиб, бизни хавотирга солганди. Шунинг учун захирадан Солиевни тушириб, Сергеевни чап қанотга олдим.

- Шогирдларингиз иккинчи давранинг қолган учрашувларида ҳам худди бугунгидек барқарор ўйин кўрсата оладими?
- Агар бугунгидек ўз кучларига ишона олишса, албатта барқарор ўйнай оламиз. Шунингдек, давралар оралиғида сафимиз кучайди, жароҳатланганлар сафга қайтишди.

- “Пахтакор” аъзоларида бугунгидек руҳий устунликни нима сабабдан ҳар доим ҳам кузатмаймиз?
- “Бунёдкор” биз билан ҳар доим ҳам ўйнайвермайди. Бу жамоага қарши ўзимизни кўрсатгимиз келади.