Моуриньонинг фикрича, "Челси"дан кўра "Тоттенхэм" мураббийи бўлиш осонроқ
28 ноя 2015 13:45
Янгиликлар

Моуриньонинг фикрича, "Челси"дан кўра "Тоттенхэм" мураббийи бўлиш осонроқ

"Челси" устози Жозе Моуриньо "Тоттенхэм"га қарши баҳс олдидан, "шпорлар" устози Маурисио Почеттинонинг иши осон эканлигини айтди.

"Тоттенхэм" - яхши жамоа, улар муҳим футболчиларни сақлаб қолишмоқда ва тўғри қилишяпти. "Шпорлар"да босим йўқ. Чунки уларга шу ўринни эгаллайсан дейишмайди.

Ҳеч ким бу жамоага совринга даъвогар сифатида қарамайди. Улар бир нечта учрашувларда мағлуб бўлиши мумкин, аммо бу муаммо эмас. Ҳозир "Тоттенхэм" Европа лигасининг гуруҳ босқичида иштирок этмоқда ва ҳеч ким натижадан ҳавотир олаётгани йўқ.

Мақсади лигада жон сақлаб қолиш бўлган жамоани бошқарганимда, декабрь ойига келиб учинчи ўринга чиқиб олган эдик. Ҳар бир ўйин олдидан мағлуб бўлишга ҳаққингиз борлигини эсласангиз, ёшларга бемалол ишонч билдириш мумкин. Топ-клубларга қарши ўйнаб, ғалаба қозонсангиз, қаҳрамонга айланасиз" - дейди Моуриньо.

Ҳавола :

Манба : The Telegraph

Янгиликларни Телеграмда ўқинг!

Рейтинг: +2