"Mixed zone". Жасур Ҳакимов: "Бунёдкор"ни сафдан чиқарганларга ўйинимиз билан жавоб бера олдик"

Дастлаб Аббос Файзуллаевнинг голи эвазига ҳисобда олдинга чиқиб олган "шерлар" иккинчи бўлимнинг 51-дақиқасида дарвозаларидан тўп олиб чиқишга мажбур бўлишди. "Бунёдкор" сафида илк бор асосий таркибда майдонга тушган Жасур Ҳакимов Музаффар Олимжоновнинг узатмасини голга айлантирди. Учрашувдан сўнг ҳужумчи Жасур Ҳакимовнинг фикрлари билан қизиқдик. 

"Яхши ўйин ўтказдик. Йигитлар охиригача курашишгани ҳисобига ғалаба қозондик. Голга келсак, бу менинг вазифам. Шунчаки, ўз ишимни қилдим. Баҳони эса мухлислар беришади. Учрашувдан олдин бизнинг имкониятимизни паст баҳолашаётгани ҳақида эшитгандик. Лекин бизни сафдан чиқарганларга ўйинимиз билан жавоб бердик, деб ўйлайман. Майдонда исботлашимиз керак эди.

Жароҳатлардан сўнг Биринчи лигада формамни тиклаб олдим. Мураббий томонидан имконият берилди. Ишончи оқлашга ҳаракат қилдим",- дейди Жасур Ҳакимов.