"Милан" сардори "Рома"ни стандартлар бўйича Италиянинг энг яхши жамоаси деб ҳисоблайди
09 янв 2023 11:47
Янгиликлар

"Милан" сардори "Рома"ни стандартлар бўйича Италиянинг энг яхши жамоаси деб ҳисоблайди

Теглар : Рома Милан А Серия Давиде Калабрия

"Милан" сардори Давиде Калабрия Италия чемпионатининг 17-тури доирасидаги "Рома" билан дуранг ҳақида фикр билдирди.

"Россонери" 87-дақиқагача ҳисобда ишончли тарзда (2:0) олдинда бораётганди, кейин эса иккита гол ўтказиб юборди.

"Биз ўйинда ғалаба қозонамиз деб ўйлагандик, аммо ғалаба қозона олмадик ва очиғини айтсам, бундай яхши ўйиндан кейин очко йўқотишни қабул қилиб бўлмайди.
Ўйлайманки, "Рома" бизга муаммо келтиришининг ягона йўли – бу стандартлар. Улар стандарт ҳолатлар бўйича А Сериянинг энг яхши жамоаси.
Биз бунга йўл қўймаслигимиз керак эди, аҳмоқлик қилдик. Бундай ўйин бизни ғазаблантириши керак, чунки сўнгги дақиқаларда яхшироқ ўйнашимиз керак эди", – деди Калабрия.

"Милан" ҳисобида 37 очко бор ва мусобақа жадвалида 3-ўринда бормоқда. "Рома" 31 очко билан 6-ўринда кетяпти.

Ҳавола :

Манба : Football Italia

Янгиликларни Телеграмда ўқинг!

Рейтинг: +3