“Металлург”: “Нефтчи” билан дуранг ўйнадик, энди "Бухоро" билан куч синашамиз

Режага биноан рақиб Фарғонанинг “Нефтчи” жамоаси бўлди. Мураббийлар қўл остиларидаги барча ўйинчиларни майдонда синаб кўришлари учун ўртоқлик учрашуви битта таймдан, иккита ўйиндан ташкил этишга келишиб олишди.
 
Қизиқарли, муросасиз руҳда ўтган ўйинда ҳисоб очилмади. Ҳар иккала жамоа мураббийлари футболчиларнинг бугунги кундаги ҳолатидан қониқиш ҳосил қилишди. Иккинчи даврага тайёргарлик жараёни кўнгилдагидек кетаётганлиги таъкидлашди.

“Металлург” биринчи таймда майдонга қуйидаги таркибни туширди: Маъмур Икромов, Ҳикмат Ҳошимов, Дониёр Одилов, Александр Ковалев, Давронбек Каримқулов, Алишер Зиёвуддинов, Маъруф Муродов, Шуҳрат Йўлдошев, Суннатилла Мамадалиев, Муроджон Тошматов, Шаҳзодбек Нурматов.

Иккинчи таймдаги таркиб қуйидагича кўриниш олди: Суҳробжон Султонов, Саидкомил Акбаров, Жасур Аҳмедов, Дилмурод Каримов, Муроджон Тошматов ( Мирғиёс Сулаймонов), Саид Абдужабборов, Нозимжон Эсонов, Алишер Зиёвуддинов, Шоҳназар Норбеков, Миртўра Акбаров, Зоҳид Абдуллаев.

“Металлург” кейинги кўрик учрашувини 22 июль куни “Бухоро” жамоасига қарши майдонга чиқади.