Месси, Дибала ва Ди Мария машғулотнинг бир қисмида иштирок этишмади
19 июн 2018 11:44
Янгиликлар

Месси, Дибала ва Ди Мария машғулотнинг бир қисмида иштирок этишмади

Аргентина терма жамоаси ҳужумчилари Лионель Месси ва Пауло Дибала ҳамда ярим ҳимоячи Анхель Ди Мария миллий жамоа машғулотининг якуний қисмида иштирок этишмади.

Аргентиналиклар Бронницадаги Александр Сироежкин мактабида машғулот ўтказмоқда. 18 июнь куни машғулотнинг сўнгги 15 дақиқаси ОАВ учун очиқ бўлди.

"Месси, Дибала ва Ди Мария яхши ҳолатда. Мураббий қарорига кўра улар машғулотни 20 дақиқа олдин тарк этишди ва тикланиш процедураси учун массажчилар олдига боришди" - дея жавоб қайтаришди Аргентина терма жамоаси матбуот хизмати вакиллари.

Аргентина терма жамоаси ЖЧ-2018 гуруҳ босқичининг 2-турида Хорватия билан ўйнайди.

Ҳавола :

Манба : ТАСС

Янгиликларни Телеграмда ўқинг!

Рейтинг: +5