Мертенс: "Тўғрисини айтаман - Сарри мени марказий ҳужумга қўйганида, ўзим ҳайратга тушдим"

Мертенс сўнгги мавсум А Серияда 28 та гол урди.

"Тўғрисини айтаман, Маурицио Сарри мени марказий ҳужумга қўйганидан, хатто ўзим бундан ҳайрон бўлдим. "Наполи"нинг ҳужум марказида ким ўйнамасин, кўп гол уриши керак, чунки Саррининг футболи ҳужумга боғлиқ.

Аркадиуш Миликнинг жароҳати менинг фаолият йўлимни ўзгартириб юборди, буни рад этмайман. Баъзида жамоадошингнинг омадсизлиги бошқасига фойда келтириши мумкин. Менда шундай бўлди.

Сарри мени ҳужум марказида синаб кўрди. У ерда катта фойда келтиришимга у ишонмагандир. Сарри мен учун кўп ишларни амалга оширди ва бошқа мутахассис қўл остида "тўққизинчи рақам" ўрнида ўйнаб кета олмайман деб ўйлайман" - дейди Мертенс.