Мбаппе ЖЧ-2022 қуръа ташлаш маросимида иштирок этишдан бош тортди

Қатар вакиллари ПСЖ ҳужумчиси 1 апрель куни Доҳада бўлиб ўтадиган маросимнинг асосий меҳмонларидан бири бўлишини истаётганди.

Қатарликлар Мбаппенинг ПСЖ ва Франция футбол федерацияси билан биргаликда ташриф буюришига рози бўлишди, бироқ Килиан ўз қарорини Франция терма жамоаси сардори эмаслиги билан изоҳлаб, қуръа ташлаш маросимига келишдан бош тортди. Эслатиб ўтамиз, "Тоттенхэм" дарвозабони Уго Льорис ҳозирда Франция терма жамоаси сардори ҳисобланади.

Бундан ташқари, 23 ёшли ҳужумчи Лига 1'нинг 30-тури доирасида 3 апрелга белгиланган "Лорьян"га қарши ўйинга имкон қадар яхши тайёргарлик кўрмоқчи.

Шу тариқа, маросимда Франция номидан бошқа футболчи иштирок этади.