«Машъалчилар» Бразилияда кимга мухлислик қилмоқчи?

Тўрт йиллликнинг орзиқиб кутилган кунлари бошланишига кам қолаётган бир вақтда ҳар бир футболга бефарқ бўлмаган инсон ўзи учун севимли жамоани қўллаб-қувватлайди. ЖЧ-2014 олдидан биз ҳам клубимиз аъзоларига "Қайси жамоага мухлислик" қиласиз?" - мазмунида савол бердик.

Жавоблар эса қуйидагича:

Александр Хомяков ("Машъал" клуби бош мураббийи): Ўзим Италия мухлисиман. Бразилияда ҳам ушбу жамоани ўйинларини кузатиб бораман. Айни бир футболчисини эмас , бутун жамоа ўйинларини кўраман.

Мақсуд Ирисбоев ("Машъал" клуби катта мураббийи): Россия терма жамоаси ўйинларини қолдирмай кўришга ҳаракат қилмоқчиман. Россия яхши натижа кўрсатса керак. Футболчилардан Халқдан ёрқин ўйин кутаман.

Жамшид Саидов ("Машъал" клуби ёрдамчи мураббийи): Чемпионатда мезбонлар фаворит. Уларнинг таркиби ҳам , майдонида ҳаракат қилаётгани ҳам катта куч.  Бразилиядаги чемпионатда майдон эгалари вакили Неймар порлайди деб ўйлайман.

Павел Синелников ("Машъал" клуби дарвозабонлар мураббийи): Испанларда бу чемпионатни ҳам ютиб олиш имконият юқори. Негаки айни вақтда Испания таркиби иштирокчилар ўртасида энг кучли таркибга эга. Футболчиларга келадиган бўлсак, албатта ўзим дарвозабонни танлайман. Касиляснинг барча ўйинлари ва ҳаракатларини кузатаман.

Дилявер Ваниев (Футболчи. Жамоа сардори) : Россияга бефарқ эмасман ва мухлислик қиламан. Рамосдандан эса ҳар доимгидек ёрқин ўйин кутаман.

Зоҳир Қўзибоев: Россия терма жамоаси ва Алан Загоев ўйинларини кутмоқдаман.

Холмурод Холмуродов: Месси тўпурар бўлади. Аргентина эса чемпионатда камида финалгача боришини кутаман.

Жавоҳир Илёсов: Япония терма жамоаси Осия жамоалари ичида энг яхши натижа кўрсатса керак. Шу жамоани ўйинларини кўраман. Хондани ўйинларига мухлисман.

Сирож Ҳамроев: Терма жамоалардан Бразилия энг кучлиси ва чиройли ўйин кўрсатадиган жамоа. Давид Луизни ҳаракатларини кузатаман.

Элдор Эргашев: Германияга мухлислик қиламан. Улар қийинчиликсиз камида финалга етиб борса керак. Марои Гётсе порлаб чиқади.

Муйдин Мамазулумов: Испания чемпионлик учун икки номзоддан бири. Улардан кўрсатаётган ўйини ҳаммани лол қилади. Торресдан камида ўтган чемпионатдек ўйин кутаман. Торрес учун аталган чемпионат бўлиши керак.

Қаҳрамон Баҳодиров: Ҳар доим Бразилияга мухлислик қилганман. Бунга сабаб Роналдо эди. Шундай экан ҳамон Бразилиядан чемпионлик кутаман. Чемпионатда қатнашадиган футболчилардан эса Роналду "Олтин тўп" учун яна бир катта имконият борлигини билади. Шу боис ундан жуда ҳам кучли ўйин кутмоқдаман.

Андрей Деркач: Испания терма жамоаси бу йилда ҳам чемпионликни сақлаб қолиши мумкин. Хавидек футболчиси бор жамоа чемпион бўла олади.

Баҳодир Муртозаев: Месси учун аталган чемпионатни кутаяпман. Аргентинага мухлислик қиламан.

Отабек Шукуров: Мезбонлар ҳаммадан кучли таркибга эга. Бразилияга бефарқ эмасман. Луизни ўйинларини кузатаман.

Жаҳонгир Абдумўминов: Роналдунинг ўйинлари ва Португалияга мухлислик қиламан.

Санжар Қувватов: Касиляснинг ҳар бир ўйинини кўраман. Албатта Испания терма жамоасидан чемпионлик кутаман.

Ихтиёр Тошпўлатов: Португалия терма жамоасини ўйинларини кутаман. Агар финалга чиқа олса Роналдуга "Олтин тўп" учун катта имконият бўлади. Роналду жамоасини бир ўзи етаклай олади.

Жамшид Ҳасанов: Роналдунинг ўйинларини ҳар бирини кўраман. Португалиядан эса ёрқин ўйин кутаман.

Ботир Носиров: Германия терма жамоаси фаворит. Энг кучли футболчи эса Ноер бўлиши мумкин.

Мирзоҳид Ғофуров: Испания терма жамоасини ўйинларини кузатаман. Мессидан эса энг кучли ўйинни кутаман.

Ғиёсжон Комилов: Бразилия терма жамоаси ўйинларини кўриб бораман ва мухлислик қиламан. Футболчилардан эса ҳимоячи бўлган Рамосдан кучли ўйин кутмоқдаман.

Шерзод Файзиев: Бразилия шубҳасиз фаворит. Улар чемпион бўлишини кутаман. Тиаго Силва учун ёрқин ўйинлар бўлса керак.

Элдор Шомуродов: Аргентина ва Кот-д-Ивар терма жамоаларини ўйинларини кўраман. Дрогба эса нафақат Африка қитъасидаги балки Европадаги энг кучли ҳужумчи эканлигини исботлаши керак.

Аббос Шодмонов: Месси терма жамоасидан ҳам кучли ўйин кўрсата олади. Буни исботлаши учун катта имконият. Аргентина ўйинларини кўраман.

Бу "Машъал" аъзоларининг мундиал олдидан фикрлари эди.