"Машъал" - 30 ёшда" - китоби нашрга тайёрланмоқда

Расман 1984 йилда ташкил этилган Муборак шаҳрининг "Машъал" клуби ушбу йилда ўттиз йиллик тарихга эга бўлди. Ортда қолган давр мобайнида клубда 1000дан зиёд футболчи, 100дан зиёд мураббийлар фаолият олиб борди.

"Машъал" ушбу мавсум охирида ўзининг ўттиз йиллик тарихига бағишланган катта байрам дастурини тақдим этади. Йил якунида ташкиллаштирилаётган ушбу байрамда "Машъал" - 30 ёшда" китоб тақдимоти ҳам бўлиб ўтади. Ушбу китоб бўйича айни вақтда жадал ишлар амалга оширилмоқда. Клуб таркибида жамоага беэътибор бўлмаган барча инсонлар фикрлари ва тарихи қайта ёзиб чиқилган. Ундан ташқари китобда тарихий фотосуратлар, футболчилар фикри, мураббийлар фикри, клуби раҳбарияти ва инфраструктура бўйича барча маълумотларни ўз ичига олади. Жамоага меҳнати синган ва айни вақтда ҳаёт бўлган инсонлар билан жонли суҳбатлар ташкил этилиб, клубнинг дастлабки ҳолатида 2014 йилгача бўлган барча воқеликлар акс эттирилади.

Айни вақтда ҳам ушбу китоб бўйича изланишлар давом этмоқда. Китоб тақдимоти эса йил сўнггидаги катта байрам тадбирида бўлиб ўтади.