Марказий Осиё. "Қайрат" ютқазди, "Истиқлол" кубокдан чиқиб кетди, ўзбекистонлик Марадона эса топ-ассистентлардан бирига айланди

ҚОЗОҒИСТОН

Қозоғистон чемпионатида 21-тур ўйинлари якунланди. Унда қуйидаги натижалар қайд этилди:

"Қайрат" – "Елимай" – 2:3

"Қизилжар" – "Женис" – 1:1 

"Туран" – "Қайсар" – 1:0

"Ақтобе" – "Оқжетпес" – 2:1

"Астана" – "Улитау" – 4:0

"Ордабаси" – "Тобил" – 2:3

"Жетису" – "Атирау" – 0:0

Турнир жадвалида "Астана" ва бир ўйин кўп ўтказган "Қайрат" пешқадамлик қилмоқда. "Тобил" икки очко ортда қолган ҳолда энг яқин таъқибчи бўлиб турибди.

Тупурарлар жадвалида Даурен Жумат ва Назми Грипши 9 тадан гол урган ҳолда етакчилик қилмоқда.

ТОЖИКИСТОН

Тожикистон чемпионатида 15-тур ўйинлари давом этмоқда. Тур учрашувлари 23 август куни якунланади.

Турнир жадвалида Душанбенинг КМВА клуби 31 очко билан пешқадамлик қилмоқда, бир ўйин кам ўтказган "Истиқлол" ҳисобида 30 очко мавжуд.

Шунингдек, Тожикистон кубоги финали санаси тасдиқланди. Турсунзоданинг "Регар-ТадАЗ" ва Хўжанднинг "Эсхата" жамоалари 14 сентябрь куни бош соврин учун кураш олиб боради.

Эслатиб ўтамиз, турнир фаворити "Истиқлол" чорак финалда мусобақани тарк этган.

ҚИРҒИЗ РЕСПУБЛИКАСИ

Қирғиз Республикаси чемпионатида 17-тур ўйинлари якунланди. Турнир жадвалида "Мурас Юнайтед" пешқадамлик қилаётган бўлса, биратўла уч клуб пешқадамни таъқиб қилмоқда.

Тўпурарлар жадвалида "ЎшМУ"нинг бразилиялик ҳужумчиси Ромарио Ричард 13 та гол билан пешқадамлик қилмоқда. 

Энг яхшиши ассистентлар рейтингида эса "Абдиш-Ата" сардори Эрбол Атабаев 11 та голли узатма билан етакчилик қилмоқда. Кейинги ўринларда бораётган "ЎшМУ"нинг ўзбекистонлик футболчиси Марадона Сафаров ҳисобида 7 та ассист мавжуд.

18-тур ўйинлари бугун старт олади.

ТУРКМАНИСТОН

Туркманистон чемпионатида 18-тур ўйинлари ортда қолди. Унда қуйидаги натижалар қайд этилди:

Турнир жадвалида ОЧЛ-2 мусобақасида "Андижон" клубининг бўлажак рақиби "Аркадағ" юз фоизлик натижа билан пешқадамлик қилмоқда. Яқин таъқибчи "Аҳал" билан тафовут 25 очкони ташкил этади.