“Қизил иблислар” португалиялик форвардни Пирс Морган билан шов-шувли интервьюси учун 1,14 миллион евро жаримага тортмоқчи.
Эслатиб ўтамиз, Роналду интервью чоғида "Манчестер Юнайтед" раҳбарияти ва мураббийлар штаби ҳақида номақбул гапирган, шунингдек, клуб сиёсатининг тўғрилигига шубҳа қилган. Ушбу суҳбат футбол жамоатчилиги орасида катта резонансга сабаб бўлди.
Кўпчилик Криштиануни клуб ва унинг ходимлари устидан омма олдида шикоят қилгани учун танқид қила бошлади. Кейинроқ журналист Пирс Морганнинг айтишича, Роналдунинг ўзи ундан интервью ташкил қилишни сўраган ва у жуда кўп танқид қилинишини тушунган, чунки "ҳақиқат инсонга зарар етказиши мумкин".
