Мак Аллистер тиғиз график ҳақида: "Клоппнинг тактика бўйича машғулотларида ухлаб қолай дедим"
26 ноя 2023 21:00
Янгиликлар

Мак Аллистер тиғиз график ҳақида: "Клоппнинг тактика бўйича машғулотларида ухлаб қолай дедим"

Ярим ҳимоячи ҳозирги тақвимда жуда қийналаётгани ҳақида гапирди.

"Ливерпуль" клуби футболчиси Алексис Мак Аллистер мавсумдаги жуда тиғиз тақвимни танқид қилди. Бундан ташқари "Манчестер Сити" билан ўйиндан кейинги фикрларини билдирди.

"Тўғрисини айтсам, бунақа режимда ўйнаш жуда қийин бўляпти. "Ман Сити"га қарши ўйиндан олдин мураббий қандай услубда ўйнашимиз кераклиги ҳақидаги тактик машғулот ўтказди. Мен эса ўша ерда ухлаб қолай дедим.

Бу жуда қийин. Вақт минтақаларининг ўзгариши, узоқ парвозлар – вазият шундай. "Сити"га қарши ўйин жуда қийин бўлди. Улар кучли жамоа. Натижа адолатли бўлди. Рақиб тўп билан кўпроқ муомала қилди, аммо вазият яратишда унчалик ҳам устунликка эришишмади", -дейди Алексис Мак Аллистер.

Ҳавола :

Манба : Goal.com

Янгиликларни Телеграмда ўқинг!

Рейтинг: +9