UZ

Сўнгги янгиликлар

01:55Ла Лига. Ямалсиз "Барселона" "Валенсия"га жавобсиз 6 та гол урди  15 01:53А Серия. Модричнинг голи "Милан"га "Болонья" билан ўйинда ғалабани тақдим этди  3 00:03Гвардиола Ҳусановнинг ўйини ҳақида фикр билдирди  19 23:45АПЛ. "Манчестер Сити" – "Манчестер Юнайтед" 3:0  1 23:33Маттиас Яйссле: "Насаф"нинг кучли томонларини яхши биламиз, аммо ғалаба учун ўз устунлигимизга эътибор қаратамиз"  3 22:42Лига 1. ПСЖ "Ланс"ни қийинчиликсиз таслим этди  1 22:25АПЛ. Ҳусанов тўлиқ ўйнаган Манчестер дербисида "Сити" "Юнайтед"ни йирик ҳисобда енгди  88 22:13ОПЛ. "Нефтчи" ва "Сабаҳ" ўзаро дуранг ўйнади, Раҳмоналиев иккинчи тайм бошида майдонга тушди  0 21:21Рўзиқул Бердиев: "Олдин ҳам "Ал Аҳли" сингари катта салоҳиятга эга жамоаларга қарши ўйнаганмиз"  14 21:10Илёс Зейтуллаев: "Янги стадионда тўп тепиш ўзгача ҳиссиётларни берди"  1 20:46Ҳаким Фузайлов: "Яна эски касалимиз қўзғади"  6 20:02АПЛ. "Ливерпуль" 90+5 дақиқада пенальтидан урилган гол эвазига "Бёрнли"ни мағлуб этди  16 20:00Про Лига. "Арал" "Олимпик"га имконият қолдирмади  1 19:55Абдухолиқовнинг пеналтидан киритган голи "Бунёдкор"га ғалаба тақдим этди  8 19:28А Серия. "Рома" Римда "Торино"га мағлуб бўлди  9

Лутфулла Тўраев: «Чемпионатимизда ўзгариш сезмадим» Янгиликлар

Лутфулла Тўраев: «Чемпионатимизда ўзгариш сезмадим»

Олий лиганинг 2017-йилги мавсумида пойтахт вилоятининг «Олмалиқ» жамоаси 7-ўрин билан кифояланди.

Ушбу жамоа ҳақида сўз очганимиз бежиз эмас. Бугунги суҳбатдошимиз – олмалиқликлар сардори Лутфулла Тўраев.

- Лутфулла, Қўқондаги муваффақиятнинг бош омили нимада?

- Ҳаммамиз бир тану бир жон бўлиб ҳаракат қилдик ва меҳнатларимиз зое кетмади. Сўнгги ўйин олдидан машғулотларда астойдил ишлагандик. «Қўқон-1912»га қарши кечган биринчи даврадаги ўйинда ҳисоб очилмаганди. Охирги турдаги ғалаба эвазига чемпионатни 7-ўринда якунладик. Агар Олмалиқдаги учрашувда «Нефтчи»ни мағлуб этганимизда, мавсумни кучли бешликда якунлаган бўлардик.

- «Олмалиқ» иккинчи даврани омадсиз ўтказди. Бу сиз учун ҳам кутилмаган ҳолат бўлдими?

- Албатта, кутмагандим. Ўз уйимиздаги ўйинларда кўп очко йўқотдик. Айниқса, «Нефтчи»га ютқазганимиз ҳаммасидан ошиб тушди. Қолаверса, омадсизлик ҳам бизга панд берди.

- Ҳаммасига омадсизлик сабабмикан?

- Ундай эмас. Мураббийимиз берган кўрсатмаларни айрим ўйинларда амалга ошира олмадик. Бу ҳам асосий омиллардан бири.

- Чемпионат якунланишига 4та тур қолган бир пайтда ПФЛ қабул қилган қарор таъсир қилмадими?

- Йўқ. Биз сўнгги бешта учрашувнинг учтасида ғалаба қозониб, бирида дуранг ўйнадик. Аксинча, сўнгги ўйинлардаги муваффақиятли иштирок сабаб турнир жадвалида кўтарилишга эришдик.

- Олий лигада 12та клуб қолишига муносабатингиз қандай?

- Малайзияда ҳам жамоалар сони 12тани ташкил қилади. Фақат мен тўп сурган чемпионатда икки даврали тизимда ўйналади. Шунингдек, яна иккита кубок мусобақаси ҳам бор.

Бевосита ўзимизнинг чемпионатга тўхталсам, қуйи ўринларни эгаллаб турган жамоаларга анча қийин бўлади. Агар янги тизим ўзбек футболи ривожига ишласа, бундан кўпчилик қатори мен ҳам хурсанд бўлардим.

- Қуйи дивизион ҳамда ёшлар лигасида футболчиларнинг ёшига чегара қўйилиши ҳақида нима дея оласиз?

- Тайинли фикр айтолмайман. Бу янгилик ўзини қанчалик оқлашини вақт кўрсатади.

- Бундан аввал Малайзия чемпионатида ўйнагандингиз. Ватанга қайтгач, Ўзбекистон биринчилигида қандайдир ўзгариш сездингизми?

- Йўқ, ҳаммаси ўша-ўша! Сезиларли ўзгаришларни кўрмадим.

- Собиқ жамоангиз «Локомотив» икки карра мамлакат чемпиони бўлди. Футболчиларни табриклашга улгурдингизми? Биринчи навбатда кимга қўнғироқ қилдингиз?

- Тўғриси, ҳали ҳеч ким билан боғланмадим. Лекин «Локомотив» учун хурсанд бўлдим.

- Келгусидаги режаларингиз қандай?

- «Олмалиқ» билан шартномам 30 декабрь куни якунланади. Ҳозир бир нарса дея олмайман. Малайзия клубларидан таклиф тушса, кетишим аниқ. Ҳар ҳолда, анча пайт ушбу мамлакат чемпионатида ўйнадим. Ўзимни у ерда легионер футболчидек ҳис қилмайман.

- Олий лигамиз жамоаларидан таклифлар тушмаяптими?

- Иккита аниқ таклифим бор. Ҳозир қарор қабул қилишга шошилмайман. Мавсум якунланди ва асосий эътиборимни ҳордиқ чиқаришга қаратаман.


Камолиддин АЛИМОВ суҳбатлашди  "Интерфутбол" газетаси

Рейтинг: -19   

Фикрлар

championat.asia
< сўнгги янгиликларни кўриш
Яндекс.Метрика