"Локомотив"нинг ғалабасиз серияси чўзилмоқда, 225 дақиқадан буён гол уролмаяпти
18 май 2019 16:49
Янгиликлар

"Локомотив"нинг ғалабасиз серияси чўзилмоқда, 225 дақиқадан буён гол уролмаяпти

Теглар : "Локомотив"Темирйўлчилар Суперлига Андрей Фёдоров

Ўзбекистоннинг амалдаги чемпиони "Локомотив" сўнгги бор чемпионатда "Қизилқум"ни мағлуб этган.

Мазкур ютуқ ҳозирча "Локомотив"нинг охирги ғалабаси бўлиб турибди. Шундан сўнг жамоа ўтказилган 4 ўйиндан буён ғалаба нималигини билмай келмоқда.

"Локомотив" "Қизилқум" билан ўйиндан кейин тўрт баҳсда майдонга тушди ҳамда 3 дуранг ва 1 мағлубият қайд этилди.

ОЧЛ доирасида "Ал Ваҳда"га ютқазган ва гуруҳдан чиқиш имкониятини йўқотган "темирйўлчилар" Суперлигадаги сўнгги учала беллашувда ("Қўқон-1912", "Металлург", "Бунёдкор") дуранг ўйнашди.

Шу тариқа "Локо" айни пайтда турнир жадвали пешқадами "Пахтакор"дан 5 очкога ортда қолмоқда.

Қайд этиш керакки, "Локомотив" жорий мавсумда барча мусобақаларда жами 15 учрашувда майдонга тушиб, 7 ғалаба, 4 дуранг ва 4 мағлубиятга учради.

Жорий мавсумдаги дастлабки 13 учрашувнинг барчасида рақиблар дарвозасига йўл топиб келган "Локо" охирги иккита ўйиндан буён гол уришни уддалай олмаяпти.