Андрей Фёдоров: "Бундай паллада каламушларгина жамоадан кетиб қолишади"

- Бу ўйинни муҳокама қилиш қийин. Ўйинимиз ўхшамади. Секин тезликда ўйнадик. "Бунёдкор" эътиборини ҳимояга қаратгани боис, қарши ҳужумларга ўтиб кетишди. Йигитлардан тўпни тезроқ ҳаракатлантиришни сўрагандим. Бироқ ўйин ўхшамади. Шу боисдан айта оламан, бугунги натижа адолатли эди. Бугун биз ғалабага лойиқ эмасдик. Биринчи бўлимда яхши вазиятлардан фойдалана олмаган бўлсак ҳам шу фикримда қоламан. Ҳозирча бошқа изохим йўқ.

- Сўнгги уч ўйинда жамоа ғалабага эриша олмади. Шунингдек, ОЧЛда ҳам омадсизлик... Истеъфога чиқишга қарши эмасмисиз?
- Бу борада ўйламаяпман. Бундай вазиятда клубни каламушлар ташлаб кетишади. Мен бу ҳолатда истеъфони нотўғри деб ўйлайман.

- Балки жамоага янгича об-ҳаво керакдир?
- Агарда кимдир жамоага 100 фоиз ёрдам бераман деса, албатта кетаман.

- "Бунёдкор" кўпроқ югурди. "Локо" эса секин ҳаракат қилди. Бу нима билан боғлиқ?
- Бизда ўйинлар жуда кўп. Ўйин кетидан яна ўйин бўлгани учун тикланишга, куч тўплашга вақт етмай қолаяпти. Энди эса олдимизда кичик танаффус бор. Шу вақтда биз йигитларни жисмоний ва руҳий томонлама ўз ҳолатига келтириб олишга ҳаракат қиламиз.