"Реал Мадрид" клуби футболчиси Арда Гюлер "Реал Сосьедад"га қарши ўйиннинг 29-дақиқасида ҳисобни очди. Бу Гюлернинг Ла Лигадаги сўнгги учта ўйинидаги иккинчи гол ҳисобланади. Аввалроқ, 19 ёшли футболчи "Селта" дарвозасига гол урганди. Гарчи, Арда кўп ўйин амалиётига эга бўлмаётган бўлса ҳам ўзига берилган дақиқалардан максимал фойдаланмоқда. Гюлер бугунги голи урилган дақиқага қадар Ла Лигада умумий ҳисобда 70 дақиқа ҳаракат қилганди.
Маълумот учун, Арда Гюлер "Реал Сосьедад"га қарши ўйинда Ла Лига доирасида илк марта бошланғич таркибда майдонга тушди.
