UZ

Сўнгги янгиликлар

13:22"Ал Ахли" Аргентина термаси ярим ҳимоячисини сотиб олмоқчи  0 13:00Ориф Маматказин, "Обод" собиқ устози, "Нефтчи" афсонаси — U-19 чемпионатида ишлайдиган мураббийлари билан танишамиз (1-қисм)  1 12:49Санчо "Боруссия"да қолишни истайди  1 12:19Жароҳат олган бўлсада, Кейн терма жамоа лагерига йўл олди   2 11:42АПЛнинг икки вакили Австралияда майдонга тушади  0 11:04Роналду Швеция билан ўйин учун Португалия терма жамоасининг қайдномасига киритилмади  5 10:31Суперлига-2024: 3-тур баҳсли вазиятлари юзасидан Эксперт-ҳакамлар комиссияси хулосаси  6 10:04«Жаҳон чемпионатининг саралаш учрашувларига ёш, тажрибасиз ва янги футболчиларни жалб этиб, уларни ўйин услубига мослаштириш учун вақт йўқ, чунки бу жуда мураккаб» - Катанец ОФК расмий сайтига интервю берди  19 09:51Пике «Барселона» бош мураббийлиги учун икки номзодни айтди  3 09:23Англия терма жамоаси Евро-2024 учун либосини тақдим этди  3 09:15Рустам Мирсодиқов 70 ёшда!  3 08:52«Арсенал»нинг яна бир футболчиси термада ўйнашдан бош тортди  5 08:25Стерлинг кечирим сўради  3 07:58«Атлетико»га қарши учрашувда қизил олган Хави нечта ўйинга четлатилиши маълум  0 07:31Про лига. Бугун турнинг марказий учрашуви бўлиб ўтади  10

“Локомотив” стадионида “Локомотив” – “Ал Таавон” учрашувидан олдин расмий тадбирлар ташкил этилди Янгиликлар

“Локомотив” стадионида “Локомотив” – “Ал Таавон” учрашувидан олдин расмий тадбирлар ташкил этилди

Эртага, 25 апрель куни “Локомотив” ўз майдонида Саудия Арабистонининг “Ал Таавон” клубига қарши баҳс олиб боради. Осиё чемпионлар лигаси 5-туридан ўрин олган баҳсда “Локомотив” фақат ғалабани кўзлаб майдонга чиқади.
Бугун “Локомотив” стадионида мазкур беллашув олдидан анъанавий расмий тадбирлар ташкил қилинди. Дастлаб учрашув расмийлари ҳамда иккала жамоа вакиллари иштирокида митинг ўтказилди. Бунда бир қатор ташкилий масалаларга ойдинлик киритилди. Шунингдек, эртанги ўйинда кимнинг қайси либосда тўп тепиши аниқлаб олинди.

Демак, эртага “Локомотив” қизил, “Ал Таавон” эса сариқ рангли футболкаларда тўп тепади. ТТЗдаги “Локомотив” стадионида бўлиб ўтадиган баҳс соат 17:00да старт олади. Бугун кечки пайт иккала жамоа ҳам ўйинолди расмий машғулотини ўтказади. “Ал Таавон”нинг машғулоти 17:00да бошланиб бир соат давом этади. Соат 18:15дан бошлаб эса “Локо” футболчилари машғулотни бошлашади.



Бугун шунингдек, ўйинолди матбуот анжумани ҳам бўлиб ўтди. Дастлаб саволларга “Ал Таавон” бош мураббийи Жезо Мануэль Гомеш жавоб қайтарди.

“Эртанги баҳс биз учун гуруҳдан чиқишга охирги имконият ҳисобланади. Айни пайтга келиб гуруҳда мураккаб вазият юзага келган ва кимларнинг чиқишини олдиндан айтиш қийин. Агар ўйлаган режаларимиз амалга ошса, ҳаммаси яхши бўлади”.

“Биз “Локомотив” иштирокидаги учта ўйинни ўрганиб чиқдик. Таркибдаги футболчиларни алоҳида ўрганмадик, балки рақибнинг жамоавий ўйинига эътибор қаратдик. Шуни айтишим мумкин, “Локомотив” барча чизиқларда тезкор ва астойдил кураш олиб боради”.

“Эртанги беллашувни Саудияда кечган 1-тур ўйини билан таққослаш керак эмас. Чунки ҳамма ўйин бир-биридан фарқ қилади. Менинг бу жамоада иш бошлаганимда энди бир ойдан ошди ва жамоада катта ўзгаришларни амалга оширганим йўқ. Саудия клублари доим Ўзбекистон жамоаларига қарши яхши ўйин намойиш этишади. Бунинг аниқ сабабини билмайман, фақат шуни айта оламанки, Саудия Арабистонида футболни жуда севишади ва стадионларга ҳам кўп одам келади”, – дея айтиб ўтди “Ал Таавон”нинг португалиялик мураббийи.



Матбуот анжуманининг иккинчи қисмида “темирйўлчилар” бош мураббийи Андрей Микляев ва жамоа ярим ҳимоячиси Сардор Мирзаев саволларга жавоб қайтаришди.

Андрей Микляев: – “Эртага биз учун ҳам гуруҳдан чиқишга охирги имконият ва ғалаба қозониб бу имкониятдан фойдаланишга ҳаракат қиламиз. Афсуски, бизда йўқотиш бор, бу – Саламат Қутибоев. Бундан ташқари, ҳимоячимиз Муҳаммад Конени ҳам “Пахтаколр” билан ўйиндан кейин жароҳат безовта қилмоқда”.

“Эртанги ўйиндан умидимиз катта. Ғалаба қозониб ўз мухлисларимизни хурсанд қилишни хоҳлаймиз. Қолаверса, стадионга келган ишқибозларнинг олқишлаб туриши бизга катта мадад беради”, – дея айтиб ўтди Андрей Геннадьевич.

Сардор Мирзаев: – “Эртага бизни қизиқарли, шу билан бирга қийин учрашув кутиб турибди. Бу ўйинда бизга ғалаба ниҳоятда зарур ва бунинг учун бор куч билан ҳаракат қиламиз. Тўғри, чемпионлар лигасининг охирги баҳсларида ўзимни кўрсата олмаяпман, лекин эртага янада яхши ўйнашга ҳаракат қиламан”.


Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика