UZ

Сўнгги янгиликлар

22:40"Галатасарой" — "Ризеспор". Таркиблар маълум  4 22:37Гарначо 40 млн фунт эвазига янги клубига ўтди  1 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  6 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  6 21:55CAFA Nations Cup-2025. Ўзбекистон — Ўмон 1:1   19 21:32"CAFA Nations Cup-2025" Ўзбекистон илк ўйинда Кейруш бошчилигидаги Ўмонни юта олмади  360 21:23АПЛ. "Тоттенхэм" кутилмаганда ўз майдонида "Борнмут"га мағлуб бўлди, МЮ эса автогол ва пенальти эвазига "Бёрнли"дан устун келди  11 20:57БАА Лига кубоги. "Ал Наср" ва "Ал Батаэҳ" 1/8 финалнинг илк ўйинида ўзаро дуранг ўйнади, Ғаниев ўйинда тўлиқ ҳаракат қилди  2 20:40"Аугсбург" — "Бавария". Таркиблар маълум  1 20:25"Вестерло" — "Антверпен". Таркиблар маълум  0 19:57"Барса" 17 ёшли озарбайжонлик футболчи билан шартнома имзолади  5 19:03АПЛ. "Челси" Лондон дербисида ишончли ғалабага эришди  11 18:57"CAFA Nations Cup-2025". Қирғиз Республикаси ва Туркманистон ўзаро дуранг ўйнади  28 17:52"Ньюкасл" 85+5 млн евро эвазига ҳужумчи харид қилди?!  11

Лобанов - танқидларга лойиқ дарвозабон эмас! Янгиликлар

Лобанов - танқидларга лойиқ дарвозабон эмас!

Охирги пайтларда "Пахтакор" дарвозабони Александр Лобанов жуда кўп танқид қилиняпти.

Аслида у шундай танқидларга лойиқми? Қаерда, қандай хатога йўл қўйдики тинмай танқидларга дучор бўлмоқда? Қуйида шу ҳақда мулоҳаза юритиб кўрамиз.

Аслини олганда Лобанов Ўзбекистон чемпионати савиясида яхши дарвозабон. Унда ортиқча вазн бор-йўқлиги бу дарвозабондан кўра мураббийлар муаммоси. Чунки ҳар бир клубда дарвозабонлар мураббийлари ўзлари билан ишлайдиган икки-уч дарвозабонни доим назорат қилиб туришади.

Агар Лобановда ортиқча вазн бўлса бу ҳақда мураббий унга мудом уқтириши ва шу асосда жисмоний машқларни бериб бориши лозим. Бугунги кунда Александр Лобанов Ўзбекистон терма жамоасининг биринчи рақамли посбони ҳисобланади. Нима учун? Ҳар ҳолда Самвел Бабаяннинг ёқимтойи бўлгани учун бўлмаса керак.


Лобанов кўп томонлама яхши дарвозабон. Ўйинни яхши ўқийди, жой танлашда адашмайди, тўпга чиқишда хато қилмайди, қолаверса, пенальти ва жарима тўпларини қайтаришда ҳам уста. Энг қизиғи, Лобанов қаерда турса нимагадир рақиблар фақат ўша томонга тўпни тепишади. Унинг Жанубий Корея ва Эрон билан ўйинларда йўл қўйган хатоси эса унинг ўрнида исталган дарвозабон билан ҳам шу хатолар рўй бериши мумкин эди.


Яъни, айтмоқчи бўлганим бу ўйинларда биз дарвозабон туфайли эмас, балки бутун жамоа ва бош мураббий сабабли мағлуб бўлганмиз. Мана бугун "Насаф" посбони Элдор Суюновнинг "Пахтакор"га ўтиши мумкинлиги ҳақида хабар чиқди. Лекин бу ўтиш амалга ошгани билан "Пахтакор" бирданига кучайиб, "Насаф" эса кучсизланиб қолмайди.



Чунки Суюнов ҳеч бир жиҳати билан Лобановдан устун эмас. Қолаверса, ҳозирги Ўзбекистон чемпионатида дарвозабонлар катта роль ўйнамай қўйди. Клубларни кўпроқ ҳужумчи муаммоси қийнамоқда. Гол урадиган ўйинчилар камайиб кетди. Вазият яратиш оқсаб қолди. Майдонда ўйинни ўз қўлига оладиган футболчилар кўринмаяпти.

Албатта, бу мулоҳазадан сўнг Александр Лобановга танқидлар, мақолага эътирозлар янада авж олиши мумкин, лекин футболни ичидан кузатиб юрганлар Сашанинг қандай дарвозабон эканлигини яхши билишади. Ва ўйлашимча, Лобанов "Пахтакор"дан кетадиган бўлса ҳам, у клубсиз қолиб кетмайди, бошқа бир кучли жамоа сафига бориб қўшилади.

Х.Холиқов

Рейтинг: -222   

Фикрлар

championat.asia
< сўнгги янгиликларни кўриш
Яндекс.Метрика