Александр Лобанов: "Тўпни танам билан ёпиб турган бўлсам, қандай қилиб ён ҳакам тўп чизиқни кесиб ўтганини кўриши мумкин?"
09 сен 2022 22:22
Янгиликлар

Александр Лобанов: "Тўпни танам билан ёпиб турган бўлсам, қандай қилиб ён ҳакам тўп чизиқни кесиб ўтганини кўриши мумкин?"

Теглар : Александр Лобанов "Пахтакор""Металлург"

Coca Cola Суперлигаси 18-туридан ўрин олган "Пахтакор" – "Металлург" (2:1) учрашуви якунланди.

Ўйиндан сўнг "Металлург" дарвозабони Александр Лобановдан ушбу учрашувда "Пахтакор" томонидан киритилган иккинчи гол ҳақида сўрадик. Маълумот учун, ўша вазиятда Аббосбек Файзуллаев боши билан берган зарбасидан сўнг учрашув бош ҳаками тўп дарвоза чизиғини кесиб ўтди деб топди ва майдон марказини кўрсатди.

- Иккинчи гол ҳақида гапира оласизми?

- Албатта, муаммосиз. У вазият 100% гол эмас эди. Сабаби, мен дарвоза чизиғини кўрдим. Мен қаерда турганимни ҳам аниқ кўриб тургандим. Бу албатта мени фикрим. Тўпни танам билан ёпиб турган бўлсам, қандай қилиб ён ҳакам тўп чизиқни кесиб ўтганини кўриши мумкин? У менинг ортимда турганди. Қандай қилиб ён ҳакам 30 метр масофадан туриб тўп чизиқни кесиб ўтганини кўриши мумкин? Бош ҳакам вазиятни кўрмади, ён ҳакам кўрди. Бош ҳакам ўйинни давом эттираётганди. Каттагина савол: "Ён ҳакам қандай қилиб бунча масофадан мен танам билан тўсиб турган тўпни ичкарига кириб кетганини кўриши мумкин? Буни яхшиси унинг ўзидан сўраган маъқул.