Эшитдик-да! Ўзбекистон терма жамоасининг собиқ биринчи рақамли дарвозабони “Навбаҳор”га ўтмоқда
06 янв 2024 08:25
Янгиликлар

Эшитдик-да! Ўзбекистон терма жамоасининг собиқ биринчи рақамли дарвозабони “Навбаҳор”га ўтмоқда

Ҳозирда эркин агент бўлиб турган Александр Лобанов фаолиятини “Навбаҳор”да давом эттиришга яқин.

38 ёшли дарвозабон наманганликлар устози Самвел Бабаян миллий терма жамоанинг бош мураббийи бўлган вақтида Ўзбекистоннинг биринчи рақамли дарвозабони бўлган.

Эслатиб ўтамиз, аввалроқ “Навбаҳор” бу йил таркибни ёшартирмоқчи эканлигини маълум қилганди.

Маълумот учун, Лобанов сўнгги беш йил давомида Бекободнинг “Металлург” жамоасида фаолият олиб борди. Ўтган мавсум дарвозабон Суперлигада 5 та учрашувда майдонга тушиб, ўз дарвозасидан 8 та тўп олиб чиққан. Шунингдек, Лобанов 2015-2017 йиллар оралиғида Ўзбекистон миллий терма жамоаси сафида 21 та учрашувда майдонга тушиб, 12 та баҳсда ўз дарвозасининг дахлсизлигини сақлаб қолган.