Конфедерациялар кубоги. Бугун биринчи финалчи маълум бўлади
28 июн 2017 08:50
Янгиликлар

Конфедерациялар кубоги. Бугун биринчи финалчи маълум бўлади

Бугун Россияда ўтаётган Конфедерациялар кубоги мусобақасининг дастлабки ярим финал учрашуви бўлиб ўтади.

Қозон шаҳрида Европа чемпиони Португалия терма жамоаси Жанубий Америка чемпиони Чили терма жамоасига қарши саф тортади. Криштиану Роналду ва Алексис Санчес етакчилигидаги жамоалар ўртасидаги баҳс ғолиби мусобақанинг биринчи финалчисига айланади. Ўйин Тошкент вақти билан соат 23:00да бошланади.

Иккинчи ярим финал эса 29 июнь куни Германия ва Мексика ўртасида бўлиб ўтади.

ПОРТУГАЛИЯ - ЧИЛИ
28 июня. Қозон. "Қозон Арена" стадиони. 23:00 (Тошкент вақти).
Бош ҳакам - Алиризо Фағони (Эрон).