Жепаров "Истиқлол" билан 1,5 йиллик шартнома тузади ва 500 минг доллар маош олади
15 янв 2017 11:13
Янгиликлар

Жепаров "Истиқлол" билан 1,5 йиллик шартнома тузади ва 500 минг доллар маош олади

Ўзбекистонлик ярим ҳимоячи Сервер Жепаров яқин соатлар ичида Теҳроннинг "Истиқлол" клуби билан шартнома тузади.

Осиёнинг икки карра энг яхши футболчиси бўлган Жепаров кеча Теҳронга учиб борди ва клуб раҳбарияти билан музокара ўтказди. Якунда томонлар 1,5 йиллик шартнома тузишга келишиб олишди. Дастлабки ярим мавсумда Сервер 150 минг АҚШ доллари ишлаб топади. Кейинги мавсумда эса ҳамюртимиз 350 минг АҚШ доллари маош олади. Бу ҳақда "Истиқлол" клуби матбуот хизмати хабар берди.

Кеча Тошкентнинг "Локомотив" клуби Сервер Жепаров фаолиятини Эронда давом эттириши ҳақида расмий хабар чиқарганди. Футболчи бугун "Истиқлол"да тиббий кўрикдан ўтади ва шартнома тузади.