Мане 2015 йилда нега МЮга ўтмаганини айтди

"Ўшанда "Манчестер Юнайтед"дагилар қўнғироқ қилишганди. Мен ван Гал билан гаплашдим. Ўшанда жамоада Руни, Ди Мария, Депай каби футболчилар бўларди. Улар мени олишмаганидан кейин Марсьяль билан шартнома имзолаганди.

Ван Гал қўнғироқ қилиб: "Садьо, яхшимисан? Нималар билан бандсан? Сени "Манчестер Юнайтед"га ўтишингни истайман", деганди.

Мен эса: "Ростан?, деганимда у ҳа деди. Мен эса агентим билан гаплашишимни айтдим.

Кейин эса у: "Сенга қайси ҳолат яхши бўлишини кўрамиз. Биламан, сен зўр футболчисан. Сен орқали жамоа кучаяди. Мен ҳам сенинг кучайишинг учун ёрдам бераман".

Шундан сўнг ундан сўрадим: "Майли, лекин Сизда Депай, Руни, Ди Мария, ван Перси бор. Мен қаерда ўйнайман? Мен фақатгина ўйнашни истайман".

У эса: "Сен яхшилаб шуғулланавер. Агарда ўзингни кўрсатсанг, ўйнайсан. Бироқ таркибимизда кучли футболчилар кўп".

Бу гаплар менга ёқмади. Мураббий билан гаплашганимда у фақатгина етарли даражада яхши бўлсамгина ўйнашимни айтди. Акс ҳолда...

Ўшанда мен унга шунчаки тайёр эмаслигимни айтсам бўларди. Ёш эдим ва ўзим истаган даражага чиқишим учун 2-3 йил керак эди. "Саутгемптон"да ўйнардим ва барқарорлик менга етишмасди. Шунда унга: "Кўрамиз", деб қўйгандим.

Кейинчалик мен "Тоттенхэм" билан ҳам учрашганман. Клуб қароргоҳига келиб, уларнинг лойиҳаси билан танишганман. Бу МЮнинг лойиҳасидан қизиқроқ эди. МЮдаги асосий муаммо эса футболчиларнинг кўплиги бўлганди", - деди АПЛда "Ливерпуль"да ҳам ўйнаган ҳозирда эса "Ал Наср"да фаолият олиб бораётган вингер.