"A" guruhida dastlabki uchrashuv o'tkazildi. Janubiy Koreya o'z maydonida Suriyani qabul qilib, qiyinchilik bilan 2:1 hisobida zafar quchdi. O'yinning 47-daqiqasida koreyaliklar hisobni ochgan bo'lsa, 83-daqiqada Omar Xrbin o'rtadagi muvozanatni tikladi.
Bahs durang natija bilan yakunlanishi mumkin bir paytda Son Xyong Min katta sahnaga chiqib, 88-daqiqada suriyaliklar darvozasini ishg'ol qildi va o'z terma jamoasiga navbatdagi 3 ochkoni taqdim etdi.
Ushbu guruhda bugun shuningdek, BAA - Eron, Iroq - Livan uchrashuvlari ham bo'lib o'tadi. Turnir jadvalida Janubiy Koreya 7 ochko bilan peshqadamlik qilmoqda. Ikkinchi o'rindagi Eron hisobida 6 ochko va uchinchi o'rindagi BAA hisobida 2 ochko bor.
