ЖЧ-2018. Юрий Гагаринни фазога олиб чиққан биринчи космик кема ва космонавтика музейидан ФОТОГАЛЕРЕЯ

Куни кеча Самара шаҳрига етиб келдик ва Колумбия – Сенегал ўйинига қадар бу ердаги барча иншоотларни кўздан кечирдик. Саёҳат давомида ушбу шаҳарда жойлашган “Космос” музейига боришга муваффақ бўлдик. У ерда меҳмонлар учун барча шароитлар яратиб берилган. “Космос” музейидаги асосий экспонатлар ертўлада жойлашган. У ерда ойдаги космос станция қандай эканлиги акс эттирилган ва космонавтлар ойда қандай тадқиқотлар амалга оширишгани ҳақида маълумотлар берилган.

Музейнинг юқори қаватида ойга илк бор парвоз қилган “СОЮЗ” космик кемасининг двигател қисмлари жой олган. Бундан ташқари ушбу музейнинг 3-қаватида футбол мухлислари учун “Крилья Советов” жамоасига тегишли экспонатлар жойланган. Қуйида ушбу музейдан олинган суратларни томоша қилишингиз мумкин.

Ушбу музей биз учун қандай аҳамият касб этади, дея фикр билдиришингиз табиий. Лекин Самара шаҳрига келган ҳар бир меҳмон бу музейни томоша қилмасдан кетмаслиги аниқ. Сабаби, ушбу музей исталган инсонни ўзига жалб қила олади. Шунингдек футбол мухлисларини ҳам. 

Қуйида ушбу музейда ссуратга туширилган экспонатларни томоша қилишингиз мумкин.

Музейнинг иккинчи қаватига "Крилья Советов" жамоасига тегишли экспонатлар жойланган

Эслатиб ўтамиз, Тошкентнинг "Бунёдкор" жамоаси бош мураббийи  Миржалол Қосимов футболчилик пайтида 2000 йилдан 2001 йилга қадар Самаранинг "Крилья Советов" жамоасида фаолият олиб борган ва 45 учрашувда майдонга тушиб рақиблар дарвозасини 6 маротаба ишғол қилган.

СОТВОЛДИЕВ Жаҳонгир Самара шаҳридан махсус

Championat.asia сайтининг Жаҳон чемпионати давомидаги ҳамкорлари "Start" савдо белгиси, "O'zbegim" колбасалари ва Elmakon савдо белгиси.