UZ

Сўнгги янгиликлар

02:32ЛаЛига. "Барселона" Мадридда дуранг ўйнади  20 01:42А Серия. "Интер" ўз майдонида ютқазди, "Лацио"дан йирик ғалаба  1 01:15АПЛ. Эмилиано Мартинес қайдномага киритилмаган ўйинда "Астон Вилла" ўз майдонида йирик ҳисобда ютқазди  0 00:52Давид Райя: "Янги тўплар эскисидан фарқ қилади"  2 00:14Бундеслига. "Боруссия" Д йирик ғалабага эришди  0 23:45А Серия. "Ювентус" 2-турда ҳам ғалабага эришди  3 23:30Абдуқодир Ҳусанов "CAFA Nations Cup" мусобақасида ўйнайдими?  3 23:08Туркия. "Истанбул Башакшеҳир" ўз майдонида "Эйюпспор"ни мағлуб қила олмади  35 22:55"Севинч" тарих яратди ва ОЧЛга йўлланма олди!  4 22:40Пеп Гвардиола: "Балки Ҳусанов жароҳат олмаганида ютқазмаган бўлардик"  21 22:25АПЛ. "Ливерпуль" Собослаининг суперголи эвазига "Арсенал"ни мағлуб қилди  40 21:53"Манчестер Юнайтед" янги дарвозабони билан келишувга эришди  10 21:45АПЛ. "Брайтон" - "Манчестер Сити" 2:1  1 21:35Родри: "Мен Месси эмасман"  14 21:11"Арсенал" ҳар турда йўқотишларга учрамоқда  1

Жасур Абдураимов матбуот анжуманида "ёрилди" Янгиликлар

Жасур Абдураимов матбуот анжуманида "ёрилди"

Суперлиганинг 15-тури доирасида "Бунёдкор"га қарши баҳсдан кейин "Металлург" бош мураббийи Жасур Абдураимов ўз фикрларини билдириб ўтди.

- ВАР нимани кўряпти? Футболчи ўрнидан турди, ўйинни давом эттиряпти. Икки дақиқадан кейин... Тушунтиравериб чарчадим. Бундай бўлмаслиги керак. Биз уларни ҳурмат қиламиз. Шу боисдан ҳакамлар футболни, футболчиларнинг, мураббийларнинг меҳнатини қадрлаши керак. Қандай қилиб, 10-дақиқада баҳсли вазият учун футболчига қизил бериш мумкин? Инсонийлик томонлама ҳам бундай қилинмаслиги керак эди. Биз шунинг учун мағлуб бўлдик. ВАР бор, у бор, бу бор, лекин ўзгариш йўқ. Бу сариқ карточкалик вазият бўлганди. Тўпни тепиб юборгани, вақтни чўзгани учун эса сариқ йўқ. Баҳона қилиш керак эмас. Аммо бош ҳакам ўйинни назорат қилишини истардим.

- Сиз бир неча бора ўйиндан кейинги матбуот анжуманларида иштирок этмадингиз ва жазоландингиз. Буни сабаби нимада?

- "Турон"га қарши ўйинда биз жуда ёмон ўйнадик. Жаҳлим чиқди, бироз асабий бўлиб тургандим. Матбуот анжуманига кирмаганим учун 5 миллион сўм жаримани тўладим. "Қизилқум" билан ўйинда жуда яхши ҳаракат қилдик. Улар икки мартагина марказдан ўтди ва тамом... Ўйиндан кейин кийим алмаштириш хонасида йиғилиш бўлаётганди. Шу сабабли ёрдамчимни жўнатдим. Бу ҳурматсизлик эмас, шунчаки, жараёндан келиб чиқиб қўл урилган иш эди. Ўша ўйиндан кейин ПФЛдагилар менинг олдимга келиб, навбатдаги ўйинда иштирок этмаслигимни айтишди. Ҳатто трибунада ҳам бўлмадим. ВИП-ложадан ўйинни томоша қилдим. Телефон қилсам ҳеч ким кўтармайди. Регламентда санкциялар дейилган. Нима у? Қанақа санкция? Аниқлик йўқ. Ўзидан ўзи мени дисквалификация қилди. Тушунмайман, уларни "Металлург"да алами борми? Бош мураббий сифатида биринчи йилимни ўтказяпман. Матбуот анжуманларида ортиқча гапларни гапирмайман. Доимо ўз фикримни айтаман. 50га 50 вазиятда улар ўйинни синдиришди. 7 ўзгариш қилди улар. Бунга ким жавоб беради? Бош ҳакам нима қилади?

Мен мураббийман ва ўз ишимни қиляпман. Энди шу билан бирга ҳакамлар ҳам бизнинг меҳнатимизни ҳурмат қилсин. Доим ҳам улар ҳақ бўлавермайдиларку. Хато қилсак, қўлни кўтариб, тан оламиз. Улар хато қилса ҳам доимо ҳақ. Мураббий бўлса ҳам, ҳакам бўлса ҳам, футбол учун ким бўлса ҳам футболни ҳурмат қилайлик.

Рейтинг: +41   

Фикрлар

championat.asia
< сўнгги янгиликларни кўриш
Яндекс.Метрика