Жанни Инфантино Россияга ташрифидан хурсанд

“Россия сафари менда ижобий таасуротлар қолдирмоқда. Бу юрт инсонлари мусобақани ўтказишга жиддий ҳозирлик кўришгани ҳар қадамда билиниб турибди.

Стадионлар жуда чиройли ва фантастик тарзда. Бу айниқса, Санкт Петербург, Қозон, Сочи ва Москва шаҳарларидаги мажмуаларда яққон намоён бўлмоқда ва мен бу стадионларда ўйинларни сабрсизлик билан кутмоқдаман.

Конфедерациялар кубоги ўзига хос синов вазифасини ўтаб беради: мусобақа давомида барча жиҳатларни кўздан кечириб, барчаси қандай ўтишини билиб оламиз. Ва келгусида олдимизда ҳеч қандай муаммолар юзага келмаслигига ҳам ишонч ҳосил қиламиз.

Ишонаманки, ЖЧ-2018 баҳслари юқори ташкилотчилик руҳи остида ўтади. Албатта, бу ЖЧ -2018 Конфедерациялар кубогига нисбатан кенгроқ миқёсдаги турнир. Аммо бугун бошланган мусобақада биз бир йилдан озроқ вақт қолган мундиалга мезбонларнинг тайёргарлиги, қайси жиҳатларни яхшилаш, юзага келиши мумкин бўлган муаммоларни амалда қандай ечиш мумкинлигига гувоҳ бўламиз”, дея таъкидлади ФИФА раҳбари.