Жамшид Саидов: "Суперлигани марказлашган ҳолатда давом эттириш яхшироқ эди"

"Ўйин ҳақида қисқа ва оддий фикр билдиришим мумкин. Йигитларга охиригача курашишгани учун раҳмат айтиб қоламан. Афсуски, илк сониялардан тезкор гол ўтказиб юбордик. Бугун кўплаб ёш футболчиларга ўйнаш имкониятини бердик. Тажриба етишмагани таббий ҳол. Гол уриш учун юзага келган вазиятлардан фойдалана олмадик",- дейди Жамшид Саидов.

- "Бухоро"нинг Суперлигада қолиш имкониятини қандай баҳолайсиз?

- Назарий жиҳатдан имкониятимиз бор. Олдинда ўйинлар бор, охиригача курашамиз. Кейинги турда "Қизилқум" билан ўйнаймиз, қўлимиздан келган барча ишни қиламиз. 

- Сўнгги тўрт турни қандай ўтказиш тарафдорисиз? Шунингдек масъулиятли паллада ёшларга ишонч билдириш таваккалми?

- Агарда марказлашган ҳолатда ўтказилганда жуда яхши бўларди. Биз барча ўйинларни сафарда ўтказамиз. Марказлашган ҳолатда барча бир хил шароитда бўларди. Ёшларга ишонч билдиряпмиз. Ҳа, хатолар бўляпти. Мураббийлар штаби билан биргаликда уларни руҳий ва тактик томондан тайёрлашга ҳаракат қиляпмиз. 

- Бугунги дурангни ғалабага тенг десак бўладими?

- Ҳа, албатта. 0:1 ҳисобида ютқаза туриб якунда 1:1 қилдик. Биз учун қўлга киритилган ҳар бир очко олтинга тенг.