Жамшид Саидов: "Ҳакам тўрт дақиқа қўшиб берди, лекин биз 10 дақиқа ўйнадик"
29 авг 2020 21:57
Янгиликлар

Жамшид Саидов: "Ҳакам тўрт дақиқа қўшиб берди, лекин биз 10 дақиқа ўйнадик"

Coca Cola Суперлига 13-туридан ўрин олган "Бухоро" - АГМК урашувидан кейин мезбонлар бош мураббийи Жамшид Саидов ўз фикрларини билдирди.

"Ўйин ҳақида нима дейишим мумкин? Биринчи ўринда футболчиларимга миннатдорчилик билдираман. Улар бугун ҳақиқий ҳарактер кўрсата олишди. Афсуски, охирги дақиқаларда гол ўтказиб ғалабани қўлдан чиқардик. Олдимизга қўйилган вазифани бажаришда давом этамиз.

Биз бугун ҳимояда ўйнадик, қарши ҳужумлардан фойдаланишга ҳаракат қилдик. Бошқа изоҳга ҳожат йўқ.

Жамоамизда молиявий муаммолар бор. Шу боис янги футболчиларни рўйхатдан ўтказа олмаяпмиз. Умид қиламанки тез орада муаммолар бартараф этилади.

Стадионимиз тайёр эмаслиги сабаб иккинчи даврада "Пахтакор" билан Тошкентда ўйнашимиз мумкин. Бизга фарқи йўқ, ҳар қандай ҳолатда ҳам нейтрал майдонда ўйнаймиз.

Ҳимоячи тушганидан кейин ҳеч қандай саросима бўлмади. Ҳакамларни ишини баҳолайдиган инсонлар бор. Пенальти бор йўқлиги ҳақида бирор нарса дея олмайман. Ҳакам тўрт дақиқа қўшиб берди, биз эса 10 дақиқа ўйнадик. Ҳимоячилар, қолган чизиқ вакиллари ҳисобни ушлаб қолиш учун ҳаракат қилишди. Саросима бўлмади деб ўйлайман", - дейди Жамшид Саидов.