Испания ҳукумати Ямалнинг туғилган кун байрамида карлик касаллиги бор одамларнинг ишга ёлланганини текширишни сўради
14 июл 22:34
Янгиликлар

Испания ҳукумати Ямалнинг туғилган кун байрамида карлик касаллиги бор одамларнинг ишга ёлланганини текширишни сўради

Испания ҳукумати Ламин Ямалнинг туғилган куни бўйича текширув ўтказишни сўради.

Эслатиб ўтамиз, "Барселона" вингери ўзининг 18 йиллик туғилган куни муносабати билан байрам уюштирди. Тадбирда таниқли меҳмонлар – стримерлар, инфлюенсерлар, жамоадошлар ва мусиқачилар иштирок этди.

Кейинроқ ахондроплазия ва бошқа скелет дисплазиялари билан боғлиқ карлик касаллигига чалинган одамлар ассоциацияси баёнот эълон қилди, унда тадбирга кўнгилочар мақсадларда карлик касаллиги бор одамлар жалб қилингани айтилди.

COPE хабарига кўра, Ижтимоий ҳуқуқлар вазирлиги прокуратурага, омбудсменга мурожаат қилиб, ногиронлик тўғрисидаги қонун бузилган-бузилмаганини текширишни сўради. Ушбу қонун ногиронлиги бор одамларни масхара қиладиган ёки шаънини камситадиган намойишлар ўтказишни тақиқлайди.

Вазирликда ушбу байрамда карлик касаллиги бор одамлар таҳқирланганми-йўқми, аниқлаштирмоқчи. Шу билан бирга, ногиронлик тўғрисидаги қонунда жазо чоралари кўзда тутилмагани қайд этилди.

Ҳавола :

Манба : COPE

Янгиликларни Телеграмда ўқинг!

Рейтинг: +4